ޔޫކްރެއިންގެ ރައީސް ޒެލެންސްކީ، އިންޑިއާގެ ބޮޑުވަޒީރު ނަރެންދުރަ މޯދީއަށް ފޯނުން ގުޅުއްވައި، ރަޝިޔާއާއެކު ސުލްހައިގެ ފޯމިއުލާއެއް ތަންފީޒު ކުރުމުގައި އިންޑިއާގެ އެހީތެރިކަމަށް އެދިވަޑައިގެންފައިވެއެވެ.
"ސުލްހައިގެ ފޯމިއުލާ އިއުލާނުކުރީ މި ޕްލެޓްފޯމްގައި، މިހާރު އަޅުގަނޑު ބަރޯސާވަނީ އެ ފޯމިއުލާ ތަންފީޒުކުރުމުގައި އިންޑިޔާގެ ބައިވެރިވުން ކަމަށާއި އަދި އދ.ގެ އިންސާނީ އެހީތެރިކަމަށް ޝުކުރު ދަންނަވާ ކަމަށް،" ޔޫކްރެއިންގެ ރައީސް ގެ ޓްވީޓްގައި ވެ އެވެ.
މިދިޔަ އޮކްޓޫބަރު މަހު ޒެލެންސްކީ ވަނީ ރަޝިއާގެ ރައީސް ވްލަޑިމިއާ ޕޫޓިންއާ އެކު ކީވް މަޝްވަރާނުކުރައްވާނެ ކަމަށް ވިދާޅުވެފަ އެވެ. ރަޝިޔާއިން ހިފާފައިވާ ޔޫކްރެއިންގެ ހަތަރު ސަރަހައްދެއް ކަމަށްވާ ލުހަންސްކް، ޑޮނެޓްސްކް، ޒަޕޯރިޒްޒިއާ އަދި ކޭރްސަންގައި ބޭއްވި ރެފަރެންޑަމަށް ރައްދު ދެއްވަމުން ޒެލެންސްކީ ވިދާޅުވީ، ޔޫކްރެއިންގެ ބިންތައް ގާނޫނާ ހިލާފަށް ހިފުމަށް މަސައްކަތް ކުރުމުގެ މަގްސަދުގައި ހަރުކަށި ފިކުރުގެ އެންމެން ނިންމި ނިންމުންތަކަކީ ބާތިލް ނިންމުންތަކެއް ކަމަށާއި އޭގެ ސަބަބުން ހަގީގަތަށް ބަދަލެއް ނާންނާނެ ކަމަށެވެ.
ސަލާމަތީ މަޖިލީހުގެ ދާއިމީ މެމްބަރެއްގެ ހައިސިއްޔަތުން މޮސްކޯއަށް ކޮންމެ ގަރާރެއް ވީޓޯ ކުރެވޭނެ އދއިން ރަޝިއާ ވަކިކުރުމަށް ޔޫކްރެއިންއިން ވަނީ ގޮވާލާފައެވެ. "ޔޫކްރޭނުން އދ.ގެ މެމްބަރު ގައުމުތަކަށް ގޮވާލަނީ... އދ.ގެ ސަލާމަތީ މަޖިލީހުގެ ދާއިމީ މެމްބަރެއްގެ ހައިސިއްޔަތުން ރަޝިއާ ފެޑެރޭޝަނަށް ލިބިފައިވާ ހައިސިއްޔަތު ގެއްލުވާލައި، މުޅި އދ.އިން ބޭރުކުރުމަށް،" ފޮރިން މިނިސްޓްރީން ނެރުނު ބަޔާނެއްގައި ބުނެފައިވެ އެވެ.
އެ ބަޔާނުގައި ބުނެފައިވަނީ 1991 ވަނަ އަހަރު ސޯވިއެޓް ޔޫނިއަން ރޫޅިގެން ދިޔަ ފަހުން އދ.ގެ ސަލާމަތީ މަޖިލީހުގެ ޔޫއެސްއެސްއާރުގެ ގޮނޑި ރަޝިއާއިން ހިފަހައްޓަނީ ގާނޫނާ ހިލާފަށް ކަމަށެވެ. ރަޝިޔާގެ ދިފާއީ ވުޒާރާއާ ހަވާލާދީ ރަޝިޔާގެ ދައުލަތުގެ ނޫސް އެޖެންސީތަކާ ހަވާލާދީ ރަޝިޔާގެ ދައުލަތުގެ ނޫސް އޭޖެންސީތަކުން ބުނީ، ރަޝިއާގެ ސަރަޙައްދުގެ އަޑީގައި ވާ ސަރަޓޮވް އޮބްލާސްޓްގައި ހުންނަ އަސްކަރީ ވައިގެ ބަނދަރަކާ ކައިރިވަމުން ދަނިކޮށް، ޔޫކްރެއިންގެ ޑްރޯންއެއް ވައިގެ ދިފާއީ ބާރުތަކުން ވައްޓާލުމުން ރަޝިޔާގެ ތިން ސިފައިން މަރުވެފައިވާ ކަމަށެވެ.
ރަޝިއާގެ ދާޚިލީ ވުޒާރާގެ ވެބްސައިޓުގައި ވާގޮތުން ތަހުގީގީ ނޫސްވެރިޔާ ކްރިސްޓޯ ގްރޮޒެވް ވަނީ ރަޝިއާގެ ވޯންޓެޑް ލިސްޓުގައި ހިމަނައިފަ އެވެ. އިންޓީރިއާ މިނިސްޓްރީގެ ވެބްސައިޓުގައި ބުނެފައި ވަނީ ބަލްގޭރިއާގެ ރައްޔިތެއް ކަމަށްވާ ގްރޯޒެވް އަކީ ޖިނާއީ ގާނޫނުގެ މާއްދާއެއްގެ ދަށުން ހޯދަމުން އަންނަ މީހެއް ކަމަށާއި އޭނާ އަކީ ކޮން މާއްދާއެއް ކަމެއް ބަޔާން ނުކޮށް ކަމަށެވެ.
ރަޝިއާގެ މޮނިޓަރިން ގްރޫޕް އޯވީޑީ-އިންފޯ އިން ބުނި ގޮތުގައި ރަޝިއާގެ އަސްކަރިއްޔާއާ ބެހޭ ގޮތުން "ދޮގު ހަބަރު" ފެތުރުމުގެ ޖިނާއީ މައްސަލައެއް ގްރޯޒެވްއާ ދެކޮޅަށް ވަނީ ހުޅުވާލައިފަ އެވެ. ބެލިންގްކެޓްގެ ވެބްސައިޓްގައި ވާގޮތުން ގްރޮޒެވް އަކީ "ސަލާމަތީ ނުރައްކާތަކާއި، ބޭރުގެ ސިއްރު އޮޕަރޭޝަންތަކާއި، މައުލޫމާތު ހަތިޔާރު ގެނައުމަށް" އަލިއަޅުވާލާ ފައިވާ ތަހުގީގީ ގްރޫޕް ބެލިންގްކެޓްގެ ރަޝިއާގެ އިސް އިންވެސްޓިގޭޓަރެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް