ފެންބޮޑުވުމާއި ދަރަނި އަދި އިންފްލޭޝަންގެ ސަބަބުން ޕާކިސްތާން ގެނބިގެން ހިނގައިދާނެ ކަމުގެ ބިރު

ފެންބޮޑުވުމުގެ ސަބަބުން ޕާކިސްތާނުގެ އިގްތިސާދު އިތުރަށް ބަލިކަށިވެފައިވާއިރު، އެ ގައުމު މިހާރުވެސް ވަނީ ހީނަރުވާން ކައިރިވެއްޖެއެވެ.

ޕާކިސްތާނުގެ ފެޑެރަލް އެޖެންސީ، ޕާކިސްތާން ބިއުރޯ އޮފް ސްޓެޓިސްޓިކްސް (ޕީބީއެސް) އިން ހާމަކޮށްފައިވާ ގޮތުގައި އޮގަސްޓް މަހު އިންފްލޭޝަން ވަނީ 27.3 އިންސައްތައަށް އަރާފައެވެ. މި އަހަރަށް ސަރުކާރުން ކަނޑައަޅާފައިވާ 11.5 ޕަސެންޓްގެ އިންފްލޭޝަން ޓާގެޓަށް ވުރެ ބޮޑަށް ވަނީ މަތިވެފައިއެވެ.

މިދިޔަ އަހަރާ އަޅާބަލާއިރު ފިޔާގެ އަގު ވަނީ ދެގުނަ އަށް ވުރެ އިތުރުވެފަ އެވެ. އޭގެ ކުރީ އަހަރާ އަޅާބަލާއިރު ރަށްފުށުގެ ސަރަހައްދުތަކުގައި ދަޅުގެ މިންވަރު ގާތްގަނޑަކަށް 90 އިންސައްތަ އިތުރުކަން ފާހަގަކޮށްލެވެއެވެ. އަދި ކައްކާ ތެޔޮ 83 އިންސައްތަ ވަނީ އިތުރުވެފައެވެ. އަގުތައް އުފުލެމުން ދާނީ، އަޅުގަނޑުމެންގެ ހުއްޓިފައި ހުރި ދަނޑުތަކުގެ ގާތްގަނޑަކަށް 40 އިންސައްތަ ގިރާވެ، އާމްދަނީ ދަށް ޢާއިލާތައް ވަރަށް ހާލުގައި ޖެހިފައިވާ ކަމަެށެވެ.

ޕާކިސްތާނުގައި ފެންބޮޑުވުމުގެ ސަބަބުން 1،700 އަށް ވުރެ ގިނަ މީހުން މަރުވެ، އަވަށްތަކާއި ކޮލޮނީތައް ހަލާކުވެ، މުޅި އަވަށްތަކާއި ޑިސްޓްރިކްޓްތައް ވަނީ ހަލާކުވެފަ އެވެ. ވޯލްޑް ބޭންކުން ރިޕޯޓްކުރާ ގޮތުގައި ޕާކިސްތާނުގައި ފަގީރުކަމުގެ ނިސްބަތް 2.5 އިންސައްތައިން 4 އިންސައްތައަށް އިތުރުވެ، 5.8 މިލިއަނާއި 9 މިލިއަނާ ދެމެދުގެ ޢަދަދެއްގެ މީހުން ފަޤީރުކަމުގެ ތެރެއަށް ވެއްޓިއދާނެއވެ. މި ކާރިސާގެ ސަބަބުން ޖަނަވާރުތަކަށާއި، ރަށްފުށުގެ ވަޒީފާތަކާއި، ދަނޑުވެރިކަމާއި، ތައުލީމަށް ވަނީ އަސަރުކޮށްފައެވެ. މިކަމުގެ ސަބަބުން ޕާކިސްތާނާ މެދު މުޅި ދުނިޔެއިން ހަމްދަރުދީ އުފެދި، ދުނިޔޭގެ ޖައްވަށް ބޭރުކުރާ ވިހަ ގޭހާއި މޫސުމަށް އަންނަ ބަދަލުތަކުގެ ޒިންމާ އުފުލަން ޖެހޭ ކަމަށް ބުނެ، ޕާކިސްތާނަށް ވަނީ ފުރައްސާރަކޮށްފަ އެވެ.