މާފުށި ޖަލުގައި މިއަދު ނިޔާވި ށ. ފުނަދޫ ޒަމާނީ ވިލާ މުޙައްމަދު ޖަމީލް (45 އަހަރު) އަށް އަނިޔާކޮށްފައިވާކަމަށް ކުރާ ތުހުމަތުތަކާއި ގުޅިގެން ޖަމީލްގެ ހަށިގަނޑުގެ ޕޯސްޓްމޯޓަމެއް ހަދަން ނިންމައިފިއެވެ.
މިކަން ހާމަކުރެއްވީ ދާޚިލީ ސަލާމަތާއި ފަންނިއްޔާތާ ބެހޭ ވުޒާރާގެ ވަޒީރު ޢަލީ އިޙްސާން އެވެ.
އެގޮތުން އިޙްސާން މިރޭ އެކްސްގައި ކުރެއްވި ޕޯސްޓެއްގައި ވިދާޅުވެފައިވަނީ ގައިދީއަކު ނިޔާވެއްޖެނަމަ އަބަދުވެސް އެކަން ފުލުހުން ތަހުގީގުކުރާކަމަށެވެ. އަދި ޝައްކު ކުރެވޭ ކަންކަން ހުންނަމަ ހިއުމަން ރައިޓްސް ކޮމިޝަނުންވެސް ވަކިން ތަހުގީގު ކުރާނެ ކަމަށެވެ.
"މިކަމުގައި ފުރިހަމަ ތަހުޤީޤެއް ކުރުމަށާއި އަދި ޢާއިލާގެ އިޒުނައާއެކު ޕޯސްޓްމޯޓަމް ހެދުމަށް ވާނީ މިހާރު އަންގާފައި" ވަޒީރު ވިދާޅުވެފައިވެއެވެ.
ވަޒީރު އިތުރަށް ވިދާޅުވެފައިވަނީ ސީސީޓީވީ ފުޓޭޖުން ފެންނަގޮތުގައި ޖަމީލް އެންމެ ފަހުން ފެނުނީ ނަމާދުކުރަނިކޮށް ކަމަށާއި ނިޔާވެފައި އޮތީ ސަޖިދައިގެ ހާލަތުގައި ކަމަށެވެ. ސީސީޓީވީ އެ ފުޓޭޖް ތަހުގީގީ އިދާރާތަކާއި ހިއްސާކުރާނެކަމުގައިވެސް ވަޒީރު ވިދާޅުވެފައިވެއެވެ.
Regarding the death of an inmate in Maafushi Prison this morning, I would like to inform that every case of death in prison is independently investigated by the Inspector of Correctional Service. Also if there is any suspicion regarding the circumstances involved in the death of…
— Minister of Homeland Security & Technology (@min_mohst) June 28, 2024
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް