މަގުމައްޗަށް ވެއްޓިފައި އޮތް މީހަކަށް ފަރުވާދެމުން ދަނިކޮށް ނިޔާވެއްޖެ

އާޓިފިޝަލް ބީޗު ކައިރިން މަގުމައްޗަށް ވެއްޓިފައިއޮއްވާ ފެނުނު މީހަކަށް ފަރުވާދެމުންދަނިކޮށް ނިޔާވެއްޖެއެވެ.

ނިޔާވެފައިވަނީ ސ.ހިތަދޫ ސޯސަންގެ، އުމުރުން 53 އަހަރުގެ އަހްމަދު ޝަރީފް އެވެ.

ދުވަހަށް މައުލޫމާތުދެމުން ފުލުހުން ބުނީ މިއަދު ހެނދުނު 8:50 ހާއިރު އާޓިފިޝަލް ބީޗް ކައިރިން މަގުމައްޗަށް ވެއްޓުނު މީހަކު ފުލުހުން އެޓެންޑްވެ އޭޑީކޭއަށް ގެންދިޔަ ކަމަށެވެ.

ފަރުވާދެމުން ދަނިކޮށް ހެނދުނު 10:00 ހާއިރު ނިޔާވެފައިވާކަމަށް ހޮސްޕިޓަލުން މައުލޫމާތު ދީފައިވާކަމަށްވެސް ފުލުހުން ބުންޏެވެ.