ރާއްޖޭގެ ނައިބުރައީސް ޑރ. މުހައްމަދު ޖަމީލު އަހުމަދު މިރޭގެ ވަގުތެއްގައި ލަންޑަނަށް ވަޑައިގެންފައިވާކަމަށާއި ލަންޑަނުން ހިމާޔަތް ހޯދުމަށްފަހު އަލްޖަޒީރާއަށް ހާއްސަ އިންޓަވިއުއެއް ދެއްވަން ތައްޔާރުވަމުން އަންނަކަމަށް ސޯޝަލް މީޑިއާގައި ހަބަރު ފެތުރެން ފަށައިފި އެވެ.
ބޭސް ފަރުވާއަށް ލަންކާއަށް ދިއުމަށްފަހު ނައިބުރައީސް ލަންޑަނަށް ވަޑައިގަތީ މިރޭގެ ވަގުތެއްގަ އެވެ. ސޯޝަލް މީޑިއާގައި މިކަމާގުޅޭގޮތުން އެނބުރޭ ބައެއް ޓްވީޓްތަކަށް ބަލާއިރު އަލްޖަޒީރާއަށް ހާއްސަ އިންޓަވިއުއެއް ދެއްވުމަށް ނައިބުރައީސް މިހާރުވަނީ އެއްބަސްވެވަޑައިގެންފަ އެވެ. ނަމަވެސް އިންޓަވިއު ދެނީ ކޮންދުވަހަކު ކަމެއް އަދި ކޮން ވަގުތެއްގައި ކަމެއް ޓްވީޓްތަކުން އަދި ސާފުވާގޮތެއް ނުވެ އެވެ.
https://twitter.com/ShumbaGong/status/614880297482489856
އެ ޓްވީޓްތަކަށް ބަލާއިރު އަލްޖަޒީރާގައި ނައިބުރައީސް ވާހަކަފުޅު ދައްކަވާނީ މި ސަރުކާރާ ދެކޮޅަށް ކަމަށް ބައެއް ޓްވީޓްތަކުގައި ބުނެފައިވެ އެވެ. އަދި ނައިބުރައީސް އެކަން ކުރައްވަނީ ރާއްޖޭގެ ޓުއަރިޒަމް އާއި ގައުމީ ފޭރާން ހަލާކުކޮށްލުމަށް ކަމަށްވެސް ބައެއް ޓްވީޓްތަކުގައި ބުނެފައި ވެ އެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް