ބޫޓާނުން ޓޫރިސްޓުންގެ އަތުންނަގާ ދުވަހުފީ ދެބައިކުޅަ އެއްބަޔަށް ކުޑަކޮށްފި

ކޮވިޑް-19 އާ ގުޅިގެން އަޅާފައިވާ ފިޔަވަޅުތައް ނިމުނުތާ އަހަރެއްހާ ދުވަސް ފަހުން ވެސް ރިކަވަރީ އަށް މަސައްކަތް ކުރަމުން އަންނަ ދާއިރާއެއް ކުރިއެރުވުމުގެ ގޮތުން ، ބޫޓާންގެ ހިމަލަޔާ ރަސްގެފާނު ޓޫރިސްޓުންގެ އަތުން ދުވާލެއްގެ މައްޗަށް ނަގާ 200 ޑޮލަރުގެ ފީގެ ދެބައިކުޅަ އެއްބައި ކުޑަކުރަން ނިންމައިފި އެވެ.

ބޫޓާނުން "ސަސްޓެއިނަބަލް ޑިވެލޮޕްމަންޓް ފީ" ރެއަކަށް ޒިޔާރަތްކުރާ ކޮންމެ މީހަކަށް 65 ޑޮލަރުން 200 ޑޮލަރަށް ބޮޑުކުރީ މިދިޔަ އަހަރުގެ ސެޕްޓެމްބަރު މަހު ކޮވިޑްގެ ދެ އަހަރުގެ ފިޔަވަޅުތައް ނިމުމަކަށް ގެނައުމުން، އެ ފައިސާ އަކީ ޒިޔާރަތްކުރާ ފަރާތްތަކުން އުފައްދާ ކާބަން އޮފް ސެޓް ކުރުމަށް ލިބޭނެ ފައިސާ ކަމަށް ބުނެ އެވެ.

ސަރުކާރުން ހުކުރު ދުވަހުގެ ރޭ ނެރުނު ބަޔާނެއްގައި ބުނީ ރެއަކަށް 100 ޑޮލަރުގެ އާ ރޭޓަށް އަމަލުކުރަން ފަށާނީ ސެޕްޓެމްބަރު މަހުން ފެށިގެން ކަމަށްވާއިރު، އެ ރޭޓަށް އަމަލުކުރަން ފަށާނީ ހަތަރު އަހަރަށް ކަމަށެވެ.

"މިއީ ވަޒީފާ އުފައްދައި، ބޭރު ފައިސާ ހޯދުމުގައި ފަތުރުވެރިކަމާއި މުޅި އިޤްތިޞާދީ ސިނާއަތުގެ ކުރިއެރުން އިތުރުކުރުމަށް، މުހިންމު ދައުރެއް. " އެ ބަޔާނުގައި ވެ އެވެ.

ޖީލުތަކަށް އެކަހެރިވެފައިވާ ބޫޓާން ޓޫރިސްޓުންނަށް ހުޅުވާލީ 1974 ވަނަ އަހަރު 300 ޓޫރިސްޓުން އެޤައުމަށް އައުމާއި ހިސާބުންނެވެ. އަދި 2019 ވަނަ އަހަރު އެ އަދަދު ވަނީ 315،600 އަށް އަރާފައި ކަމަށްވާއިރު، މިއީ އޭގެ ކުރީ އަހަރާ އަޅާބަލާއިރު 15.1 އިންސައްތަ އިތުރު އަދަދެއް ކަމަށް ރަސްމީ ތަފާސް ހިސާބުތަކުން ދައްކައެވެ.

މާސް ޓުއަރިޒަމްގެ ސަބަބުން ކުރާ ނޭދެވޭ އަސަރުތަކަށް ބޫޓާނުން އަބަދުވެސް ސަމާލުވެ، ފަރުބަދަތަކަށް އަރައި ފޭބުން މަނާކުރަނީ އެ ގައުމުގެ އުސްފަސްގަނޑުތަކުގެ މާތްކަން ދެމެހެއްޓުމަށެވެ.

އެހެންނަމަވެސް ބޫޓާނުން އުއްމީދުކުރަނީ 3 ބިލިއަން ޑޮލަރުގެ އިޤްތިޞާދުގައި ފަތުރުވެރިކަމުގެ ޙިއްޞާ ގާތްގަނޑަކަށް 5 އިންސައްތައިން 20 އިންސައްތަ އިތުރުކުރުމެވެ.

ޑިޕާޓްމަންޓް އޮފް ޓުއަރިޒަމްގެ ޑިރެކްޓާ ޖެނެރަލް ޑޯޖީ ދުރާދުލް ވިދާޅުވީ ފީ ކުޑަކުރުމުން ސެޕްޓެމްބަރު-ޑިސެމްބަރު ގެ ނިޔަލަށް ޓޫރިސްޓުން އަންނަ މިންވަރު އިތުރުވެދާނެ ކަމަށާއި އޭގެ ތެރޭގައި މައިގަނޑު ގޮތެއްގައި ބުޑިސްޓުންގެ ގައުމުގައި ގިނަ ދީނީ އަދި ސަގާފީ ހަރަކާތްތައް ވެސް ހިމެނޭ ކަމަށެވެ.

މިދިޔަ ޖޫން މަހު ސަރުކާރުން ޓޫރިސްޓުން ތިބޭ މުއްދަތާއި ފީއާ ގުޅޭ އުސޫލަށް ލުއިދިން ނަމަވެސް އަންދާޒާކުރި މިންވަރަށް އަދަދު އިތުރުވެފައެއް ނުވެ އެވެ.

ދަރާދުލް ވިދާޅުވީ ޖެނުއަރީ މަހުން ފެށިގެން މިހާތަނަށް 56،000 އަށް ވުރެ ގިނަ ޓޫރިސްޓުން ބޫޓާނަށް ޒިޔާރަތްކޮށްފައިވާ ކަމަށާއި ނަމަވެސް ގާތްގަނޑަކަށް 42،000 މީހުންނަކީ އިންޑިއާ މީހުން ކަމަށާއި އެ މީހުންނަށް ދައްކަން ޖެހެނީ ދުވާލަކު 1،200 އިންޑިއަން ރުޕީސް (14.5 ޑޮލަރު) ގެ ފީއެއް ކަމަށެވެ.

ބޫޓާނުގެ ގާތްގަނޑަކަށް 50،000 މީހުން ފަތުރުވެރިކަމުގައި ވަޒީފާ އަދާކުރާއިރު، ކޮވިޑުގެ ކުރީ ތިން އަހަރުގެ ތެރޭގައި އަހަރަކު ގާތްގަނޑަކަށް 84 މިލިއަން ޑޮލަރު ބޭރު ފައިސާއިން ލިބެއެވެ.