އެކި މައްސަލަތަކުގައި ފުލުހުންގެ ބެލުމުގެދަށަށް ގެނެސްފައިވާ ބައެއް ތަކެތީގެ ވެރިފަރާތް ހޯދުމަށް ފުލުހުން އިއުލާން ކޮށްފިއެވެ.
ފުލުހުން ބުނީ އެ ތަކެއްޗަކީ، ހޮވައިގެން ގެނެސްފައިވާ ތަކެއްޗާއި ތުހުމަތު ކުރެވިގެން ހުއްޓުވައި ސުވާލުކުރި ބައެއް މީހުންގެ އަތުން ފެނިފައިވާ ތަކެތި ކަމަށެވެ. އަދި އެ ތަކެތީގެ ވެރިފަރާތް އެ މީހުންނަށް ބުނެދެވިފައި ނުވާތީ އެ ތަކެތި ވަނީ ފުލުހުންގެ ބެލުމުގެދަށަށް ގެނެސްފައިކަމަށް ފުލުހުން ވަނީ ބުނެފައެވެ.
އެގޮތުން ފުލުހުންގެ ބެލުމުގެ ދަށުގައި ހުރި ތަކެއްޗަކީ،
މާފަންނު ޕޮލިސް
ޖުލައި 19 ވަނަ ދުވަހު, މަޖީދީމަގު ޑޮލަރު އޭޓީއެމް ކައިރިން ހޮވައިގެން ގެނެސްފައިވާ 100 ޑޮލަރު. އިންސިޑެންޓް ނަންބަރު 605744
ޖުލައި 22 ވަނަ ދުވަހު، ކަނބާއައިސަރަނި ހިނގުމާއި ކާނޭޝަން މަގު ގުޅޭ ހިސާބުން ވައްކަމުގެ ތުހުމަތުގައި ހުއްޓުވައި ސުވާލުކުރި މީހެއްގެ އަތުން ފެނިފައިވާ ވަގަށް ނަގާފައިވާކަމަށް ބެލެވޭ، ކްރެސްޓް ބްރޭންޑުގެ ދެ ދޮށި. އިންސިޑެންޓް ނަންބަރު 606035
މި ތަކެތީގެ ވެރިފަރާތުން މާފަންނު ފޮލިސް، 9660183 އަށް ގުޅުއްވައި އިންސިޑެންޓް ނަންބަރާއެކު މައުލޫމާތު ހިއްސާކުރެއްވުމަށް ފަހު، ތަކެއްޗާއި ހަވާލުވުމަށް އަންނައިރު،ކާކުކަން އެނގޭނެ ލިޔުމަކާއެކު މާފަންނު ޕޮލިސް ސްޓޭޝަނަށް ހާޒިރުވެ ތަކެއްޗާ ހަވާލުވެލެއްވުމަށް ފުލުހުން ވަނީ އެދިފައެވެ.
ގަލޮޅު ޕޮލިސް
ޖޫން 22 ވަނަ ދުވަހު ޝަހީދު ހުސައިން މުޙައްމަދު ހިނގުމުން ވައްކަމުގެ ތުހުމަތުގައި ހުއްޓުވައި ސުވާކުރި މީހެއްގެ އަތުން ފެނިފަިއވާ ވަގަށް ނަގާފައިވާކަމަށް ބެލެވޭ ޔޫއެސްބީ، ސީ އެޑަބްޓަރަކާއި ޓްރިމަރެއް. އިންސިޑެންޓް ނަންބަރު 602511
ޖުލައި 11 ވަނަ ދުވަހު ހަދީބީ މަގުން ވައްކަމުގެ ތުހުމަތުގައި ހުއްޓުވައި ސުވާކުރި މީހެއްގެ އަތުން ފެނިފަިއވާ ވަގަށް ނަގާފައިވާކަމަށް ބެލެވޭ އައުޓްބޯޑު އިންޖީނެއްގެ ބައެއް. އިންސިޑެންޓް ނަންބަރު 604728
ޖުލައި 16 ވަނަ ދުވަހު ހޮވައިގެން ގެނެސްފައިވާ ދިޔާހަކުރު ފުޅިއެއް. އިންސިޑެންޓް ނަންބަރު 605347
މި ތަކެތީގެ ވެރިފަރާތުން 9631696 އަށް ގުޅުއްވައި އިންސިޑެންޓް ނަންބަރާއެކު މައުލޫމާތު ހިއްސާކުރެއްވުމަށފަހުް ކާކުކަން އެނގޭނެ ލިޔުމަކާއެކު ގަލޮޅު ޕޮލިސް ސްޓޭޝަނަށް ހާޒިރުވެ ތަކެއްޗާ ހަވާލުވެލެއްވުމަށް ފުލުހުން ވަނީ އެދިފައެވެ.
ހުޅުމާލެ ފޭސް 2 ޕޮލިސް
ޖުލައި 17 ވަނަ ދުވަހު، ހުޅުމާލެ ފޭސް 2 ޓަވަރު 11 ކައިރިން ހޮވައިގެން ގެނެސްފައިވާ 10 ކޭސް ފެން. ރުފިޔާ. އިންސިޑެންޓް ނަންބަރު 605389
މި ތަކެތީގެ ވެރިފަރާތުން 9393351 އަށް ގުޅުއްވައި އިންސިޑެންޓް ނަންބަރާއެކު މައުލޫމާތު ހިއްސާކުރެއްވުމަށްފަުހު ކާކުކަން އެނގޭނެ ލިޔުމަކާއެކު ހުޅުމާލެ ފޭސް 2 ޕޮލިސް ސްޓޭޝަނަށް ހާޒިރުވެ ތަކެއްޗާ ހަވާލުވެލެއްވުމަށް ފުލުހުން ވަނީ އެދިފައެވެ.
އެއާޕޯޓު ޕޮލިސް
މާރިޗު 28 ވަނަ ދުވަހު، ވެލާނާ އިންޓަނޭޝަނަލް އެއާޕޯޓު އިންޓަނޭޝަނަލް ޑިޕާޗަރ ޓާމިނަލް ކައިރިން ހޮވައިގެން ގެނެސްފައިވާ 100 ޑޮލަރު. އިންސިޑެންޓް ނަންބަރު 562657
ފުލުހުން ބުނީ މި ތަކެތީގެ ވެރިފަރާތުން 9968024 އަށް ގުޅުއްވައި އިންސިޑެންޓް ނަންބަރާއެކު މައުލޫމާތު ހިއްސާކުރެއްވުން އެދޭކަމަށާއި އަދި ކާކުކަން އެނގޭނެ ލިޔުމަކާއެކު އެއާޕޯޓު ޕޮލިސް ސްޓޭޝަނަށް ހާޒިރުވެ ތަކެއްޗާ ހަވާލުވެލެއްވުން އެދޭކަމަށެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް