ޣައްޒާ ހަނގުރާމައިގައި އެމެރިކާގެ މަޤްޞަދަކީ ކޮބައިތޯ ސުވާލު އުފެދޭ: ރިޕޯޓް

އިސްރާއީލްގެ ހައްދުފަހަނައެޅި ޔަހޫދީ ސިފައިން ޣައްޒާއަށް ދެމުންދާ ލާއިންސާނީ ހަމަލާތައް ހުއްޓާލުމާ މެދު އެމެރިކާ ދެކޮޅު ހަދަމުންދާއިރު، މިހަނގުރާމައިގައި އެމެރިކާގެ މަޤްޞަދަކީ ކޮބައި ކަމާމެދު ސުވާލު އުފެދޭކަމަށް މީޑިއާ ރިޕޯޓްތައް ބުނެފިއެވެ.

މިހާރުން މިހާރަށް ހަނގުރާމަ ހުއްޓާލުމުގެ އިލްތިމާސްތަކަށް އެމެރިކާއިން ދެކޮޅު ހަދަމުން އަންނައިރު، ބައިޑަންގެ ސަރުކާރުން އިސްރާއީލުގެ ދިފާޢުގައި ވަރަށް ބޮޑަށް ތާއީދުކުރާކަން ވަނީ ހާމަކޮށްފައެވެ. އަދި ހަމަ އެއާއެކު ޢާންމުންނަށް ލިބޭ ގެއްލުންތައް ހުއްޓުވުމަށާއި ހަމަޖެހުން ޤާއިމުކުރުމުގެ މުހިންމުކަމުގެ މައްޗަށްވެސް ބައިޑަން ވަނީ ބާރުއަޅުއްވާފައެވެ.

ޑިޕްލޮމެސީ ޕްރޮމޯޓްކުރާ ތިންކް ޓޭންކެއް ކަމަށްވާ ކުއިންސީ އިންސްޓިޓިއުޓްގެ އެގްޒެކެޓިވް ވައިސް ޕްރެޒިޑެންޓް ޓްރިޓާ ޕާސީ ވިދާޅުވި ގޮތުގައި އެ ދެ މީހުން ނަކީ ހަމައެކަނި އެކަކު އަނެކަކާ ޚިޔާލު ތަފާތުވާ ބައެއް ނޫން ކަމަށާއި، މި ސަރުކާރުން އެންމެ ބޮޑު އިސްކަމެއް ދެނީ އިޒްރޭލަށް އެއްބާރުލުން ދިނުމަށެވެ.

މީގެ އިތުރުން، އިސްރާއީލުގެ ވެރިކަމާއި، ފަލަސްޠީނުގެ ދައުލަތާއި، ސަރަޙައްދީ ހަމަޖެހުން ފަދަ މައިގަނޑު މައްސަލަތަކަށް ޙައްލު ހޯއްދަވައި، މުސްތަޤްބަލުގައި އުފެދިފައިވާ ނުތަނަވަސްކަން ހުއްޓުވުމަށް ޑިޕްލޮމެޓިކް މަސައްކަތްތައް ހަރުދަނާކުރެއްވުމަށް ބައިޑަންގެ ސަރުކާރުން މަސައްކަތް ކުރައްވާނެއެވެ. މި ދިގު މުއްދަތުގެ ލަނޑުދަނޑިތަކަކީ މެދުއިރުމަތީގައި އެމެރިކާގެ ޚާރިޖީ ސިޔާސަތުގެ ފުޅާ މަގްސަދުތަކާ ގުޅިފައިވާ ލަނޑުދަނޑިތަކެކެވެ.

ޣައްޒާގެ ހަމަނުޖެހުންތަކަށް ހައްލެއް ހޯދުމުގައި ބައިނަލްއަގްވާމީ މުޖުތަމައާއި އެމެރިކާއިން ބިނާކުރަނިވި ދައުރެއް އަދާކުރުމަކީ ކޮންމެހެން ކުރަން ޖެހިފައިވާ ކަމެއް ކަމަށާއި، މިހާރު ހިނގަމުންދާ ހަމަނުޖެހުންތަކުގެ ސަބަބުން މިހާރުވެސް ބޮޑެތި ގެއްލުންތަކެއް ލިބެމުންދާ ކަމަށްވެސް ރިޕޯޓްތައް ބުނެއެވެ.

ރައީސް ބައިޑަންގެ އެންޑްގޭމްގައި ދެމެހެއްޓެނިވި ގޮތެއްގައި ހަނގުރާމަ ހުއްޓާލުމަށާއި މުސްތަގުބަލުގައި އިތުރު ހަމަނުޖެހުންތައް ފެތުރުނަ ނުދިނުމަށް މައިގަނޑު މައްސަލަތަކަށް ހައްލު ހޯދުމުގެ މައްޗަށް އަލިއަޅުވާލާފައިވާ ކަމަށް ބެލެވެ އެވެ. އެހެންނަމަވެސް، މިޙާލަތުގައި ހުރި ގޮންޖެހުންތަކުގެ ސަބަބުން، ސުލްހައިގެ މަގަކީ ގޮންޖެހުންބޮޑު މަގެއް ކަމަށާއި، އެކަމުގައި ޝާމިލުވާ ހުރިހާ ފަރާތްތަކެއްގެ އެއްބާރުލުމާއި ޑިޕްލޮމެޓިކް މަސައްކަތްތައް ދެމެހެއްޓެނިވި ގޮތެއްގައި ކުރިއަށް ގެންދަން ޖެހޭ ކަމަށް މީޑިއާ ރިޕޯޓްތައް ބުނެއެވެ.