މި މަހުގެ 15 ވަނަ ދުވަހުން ފެށިގެން ޚަބަރެއް ނުވެގެން ހޯދަމުންދިޔަ ނާސިފް ފެނިފައިވާކަމަށް ފުލުހުން ބުނެފިއެވެ.
އެގޮތުން މިއަދު ފުލުހުން ބުނެފައިވަނީ ހދ. މަކުނުދޫ/ސިތާރާ މަންޒިލް ނާސިފް އަބްދުއްސަލާމް، ރޭގެ ވަގުތެއްގައި މާލެއިން ފެނިފައިވާކަމަށާއި ހާލު ރަނގަޅު ކަމަށެވެ.
އުމުރުން 28 އަހަރުގެ ނާސިފް ގެއްލިގެން ހޯދުމުގައި އާންމުންގެ އެހީތެރިކަމަށް ފުލުހުން އެދުނީ މި މަހުގެ 19 ވަނަ ދުވަހުގައެވެ. އެދުވަހު ފުލުހުން ބުނެފައިވަނީ ނާސިފް ގެއްލިގެން އާއިލާގެ ފަރާތުން މި މަހުގެ 17ގައި ފުލުހުންނަށް ރިޕޯޓްކޮށްފައިވާކަމަށާއި އެންމެ ފަހުން ފެނިފައިވަނީ މި މަހުގެ 15 ވަނަ ދުވަހު ކަމަށެވެ. އަދި އޭނާ ދިރިއުޅެމުން އަންނަނީ މާލޭގައި ކަމަށެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް