ބްރިޖު ކައިރިންވެސް މިހާރު ސާންޕަލް ނެގޭނެ

ބްރިޖަށް އަރާތާ ކައިރި އޮންނަ ޕާކިން ޒޯންގައި ސާމްޕަލް ކަލެކްޝަން ސެންޓަރެއް މިއަދު ހެނދުނު ހުޅުވައި ސާންޕަލް ނެގޭނެ އިންތިޒާމް ހަމަޖައްސައިފިއެވެ.

މި ސެންޓަރުން ހުކުރު ދުވަސް ފިޔަވާ ކޮންމެ ދުވަހެއްގެ ހެނދުނު 9:00 އިން މެންދުރު 12:00 އަށް އަދި ހަވީރު 3:00 އިން އިރުއޮއްސި 6:00 އަށް ހިދުމަތް ދޭނެ ކަމަށް އެޗްޕީއޭން ބުނެއެވެ. ހުކުރު ދުވަހު އެ ސެންޓަރުން ސާމްޕަލް ނެގުމަށް ހަމަޖެހިފައިވަނީ ހަވީރު 3:00 އިން އިރުއޮއްސި 6:00 އަށެވެ.

ސޯޝަލް ސެންޓަރުގައާއި ހެންވޭރު ދަނޑުގައިހުން ސާންޕަލް ސެންޓަރާއެކު މިއީ ހަ ވަނަ ސެންޓަރެވެ.

ސޯސަލް ސެންޓާރުން ސާންޕަލް ނަގައިދޭނީ ހުކުރު ދުވަސް ފިޔަވާ ކޮންމެދުވަހަކު 009:ން 12:00 އަށް އަދި  ހަވީރު 15:00ން 18:00 އަށެވެ. ހެންވޭރު ދަނޑުގައި ހުންނަށް ސެންޓަރުން ކޮންމެދުވަހަކު ހަވީރު 15:30ހުން 18:30ހަށް ސާންޕަލް ނަގައިދޭނެއެވެ.

ވިލިމާލޭ ފުލޫ ކުލިނިކުގައި ވެސް ކޮންމެ ދުވަހަކު 16:00ން 18:30އަށް ސާންޕަލް ނަގއިދޭނެއެވެ.

ހުޅުމާލޭގައި ރުއްގަނޑު-1 ސަރަހައްދާއި ދެ ވަނަ ފިޔަވަހީގެ ހިޔާ ފްލެޓް ސަރަހައްދުގައި ސާންޕަލް ނެގޭނެ ސެންޓަރުތައް ހުންނާނެއެވެ.