އިޒްރޭލުން ޣައްޒާއަށް ބޮން އަޅަމުން އަންނަނީ ސީދާ އެމެރިކާގެ އިރުޝާދުގެ ދަށުން ކަމުގައި އީރާނުގެ ލީޑަރު އާޔަތުﷲ އަލީ ޚާމަނާއީ ތުހުމަތު ކުރައްވައިފިއެވެ.
ޚާމަނާއީ މިހެން ވިދާޅުވީ މިއަދު ވެރިރަށް ތެހެރާނުގައި ދެއްވި ބަސްދީގަތުމެއްގައެވެ.
އޭނާ ވިދާޅުވީ ހަނގުރާމައިގެ ޖަރީމާތަކަށް އިރުޝާދުދެނީ އެމެރިކާއިން ކަމަށާއި ޣައްޒާ ރައްޔިތުން އެ ކަތިލަނީ އެމެރިކާއިން ކަމަށެވެ.
ޚާމަނާއީ މިހެން ވިދާޅުވެފައިވާއިރު ސޫރިޔާއާއި އިރާގުގައި ގާއިމްވެތިބޭ އެމެރިކާގެ ސިފައިންގެ ބޭސްތަކަށް ފާއިތުވި ހަފްތާއެއްހާ ދުވަހުގެ ތެރޭގައި ހަމަލާތަކެއް ދީފައިވެއެވެ.
އެ ހަމަލާތަކާއި ގުޅިގެން އެމެރިކާއިން ތުހުމަތުކޮށްފައިވަނީ އެ ހަމަލާތައް ދީފައިއެވަނީ ސީދާ އީރާނުގެ ގުޅިފައިވާ ބާރުތަކުން ކަމަށެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް