ޗަންދުރަޔާން-3 ގެ ސޮފްޓް ލޭންޑިންގެ ކާމިޔާބުކަމާ މެދު ނޭޝަނަލް އެރޮނޮޓިކްސް އެންޑް ސްޕޭސް އެޑްމިނިސްޓްރޭޝަން (ނާސާ) ގެ އެޑްމިނިސްޓްރޭޓަރު ބިލް ނެލްސަން އިންޑިއާއަށް މަރުހަބާ ވިދާޅުވެއްޖެއެވެ.
މީގެ އިތުރުން އާޓެމިސް އެކޯޑްސްގައި އިންޑިއާ އާއި އެމެރިކާ އާ ދެމެދު އޮންނަ ޕާޓްނާޝިޕަށް ވެސް އޭނާ ވަނީ ތައުރީފު ކުރައްވައިފައެވެ. އާޓެމިސް އެކޯޑްސްގައި އިންޑިއާ އާއި އެމެރިކާ އާ ދެމެދު އޮންނަ ޕާޓްނާޝިޕް އެއްބަސްވުމުގެ އަމާޒަކީ އަމަލީ އުސޫލުތަކާއި ގައިޑްލައިންތަކާއި ބެސްޓް ޕްރެކްޓިސްތަކުގެ ތެރެއިން އެއް ވިސްނުމެއް ގާއިމުކުރުމެވެ.
ނެލްސަން މަރުޙަބާ ވިދާޅުވެފައިވަނީ (ކުރީގެ ޓްވިޓަރ) އަދި މިހާރުގެ "އެކްސް" ގައެވެ. އޭނާ ކޮށްފައިވާ ޓުވީޓުގައި ބުނެފައިވަނީ "ޗަންދުރަޔާން-3 ހަނދުގެ ސައުތު ޕޯލްގައި ކާމިޔާބުކަމާއެކު ޖެއްސުމުން މަރުހަބާއެވެ! އަދި ހަނދަށް ޖައްވީ އުޅަނދެއް ކާމިޔާބުކަމާއެކު ސޮފްޓް ލޭންޑް ކުރި 4 ވަނަ ގައުމަށް ވީތީ މަރުހަބާ ދަންނަވަމެވެ." މިހެންނެވެ.
އާޓެމިސް އެކޯޑަކީ މާލީ އެއްވެސް ވައުދެއް ނެތް ބައިންޑިން އެގްރިމެންޓެކެވެ. މި އެއްބަސްވުންތަކުގެ މަޤްޞަދަކީ "އާޓެމިސް ޕްރޮގްރާމް ކުރިއަށް ގެންދިއުމުގެ މަޤްޞަދުގައި މަދަނީ ހޯދުމާއި، ބޭރުގެ ޖާގަ ބޭނުންކުރުމުގެ ހިންގުމެވެ." އަދި މީގެ އިތުރުން ހަރުދަނާކުރުމަށްޓަކައި، ޢަމަލީ އުޞޫލުތަކާއި، ގައިޑްލައިންތަކާއި، ބެސްޓް ޕްރެކްޓިސްތަކެއް މެދުވެރިކޮށް، އެއް ވިސްނުމެއް ޤާއިމުކުރުމެވެ.
މިދިޔަ ޖޫން މަހުގެ ކުރީކޮޅު އިންޑިއާގެ ބޮޑުވަޒީރު ނަރެންދުރަ މޯދީ އެމެރިކާއަށް ކުރެއްވި ދަތުރުފުޅުގައި ވަނީ އާޓެމިސް އެއްބަސްވުމުގައި ސޮއިކޮށް އާޓެމިސް އެއްބަސްވުމުގައި ސޮއިކުރި 27 ވަނަ ގައުމަށް އިންޑިއާ ހަދާފައެވެ.
https://twitter.com/SenBillNelson/status/1694334078982439240?ref_src=twsrc%5Etfw%7Ctwcamp%5Etweetembed%7Ctwterm%5E1694334078982439240%7Ctwgr%5Ed9f7633d3c779e37acce48ffbe5b1a157e3a84d3%7Ctwcon%5Es1_&ref_url=https%3A%2F%2Fm.dailyhunt.in%2Fnews%2Findia%2Fenglish%2Fani67917250816496966-epaper-dh448c3797a13d4f32b1d2367d0d72a726%2Fnasaadministratorcongratulatesindiaonchandrayaan3successhailspartnershiponartemisaccords-newsid-n530912488
އާޓެމިސް އެކޯޑްސްގައި އިންޑިއާ ބައިވެރިވާކަން މޯދީ އިއުލާން ކުރެއްވިއިރު، އެމެރިކާގެ ނައިބު ރައީސް ކަމަލާ ހެރިސް ވަނީ އެކަމަށް ޝުކުރު އަދާކުރައްވާފައެވެ.
މި އެއްބަސްވުމުގައި ސޮއިކުރުމުގެ ރަސްމިއްޔާތުގައި ނާސާގެ އެޑްމިނިސްޓްރޭޓަރު ބިލް ނެލްސަން އާއި އިންޑިއާއިން އެމެރިކާއަށް ކަނޑައަޅުއްވާފައި ހުންނަވާ ސަފީރު ތަރަންޖީތު ސިންގް ސަންދޫ ބައިވެރިވެވަޑައިގެންނެވިއެވެ.
އަދި އިންޑިއާއާ އެކު މިދުނިޔެއާއި ޖައްވުގައި ވެސް ޕާޓްނާޝިޕް އިތުރުކުރުމަކީ އަޅުގަނޑުމެންނަށް ލިބޭ ވަރަށް ބޮޑު އުފަލެއް ކަމަށްވެސް އެޑްމިނިސްޓްރޭޓަރު ބިލް ނެލްސަން ވަނީ ވިދާޅުވިއެވެ. މީގެ އިތުރުން ސޮއިކުރުމުގައި އިންޑިއާގެ ލީޑަޝިޕަށް ވަރަށް ބޮޑަށް ޝުކުރު އަދާކުރާ ކަމަށާއި އެކުގައި ހާސިލްކުރާނެ ހުރިހާ ކަމަކަށް އުއްމީދު ކުރާ ކަމަށް އޭނާ ވިދާޅުވިއެވެ.
އިންޑިޔާގެ މަންދޫބު ތަރަންޖީތު ސިންގް ސަންދޫ ވިދާޅުވީ، އާޓެމިސް އެކޯޑްސްގައި ބައިވެރިވުމަށް އިންޑިއާއިން ވަރަށް މުހިންމު ފިޔަވަޅެއް އަޅަމުންދާ ކަމަށެވެ.
އަދި ޖައްވީ ތަހުލީލުތަކަށް އިންޑިޔާއިން އަބަދުވެސް އަހައްމިއްޔަތުކަން ދެނީ އާ ފެންވަރުގެ އެއްބާރުލުމާއި ކުރިއެރުމުގެ ސަބަބުން ކަމަށެވެ. އިންޑިޔާއަކީ ޒިންމާދާރު ޖައްވީ ބާރަކަށްވާއިރު، ބޭރުގެ ޖައްވަށް ސުލްހަވެރިކަމާއި ދެމެހެއްޓެނިވި ގޮތެއްގައި ބޭނުންކުރުމަށް އެންމެ ބޮޑު އަހަންމިއްޔަތުކަމެއް ދެއެވެ. އާޓެމިސް އެކޯޑްސްގެ ސަބަބުން ޖައްވަށް އުސޫލެއްގެ މައްޗަށް ބިނާކޮށް ވިސްނުމެއް ގެންގުޅެވޭނެ ކަމުގެ ޔަގީންކަން އޮތްކަމަށްވެސް އޭނާ ފާހަގަ ކުރެއެވެ. އަދި އެކްސްޕްލޮރޭޝަނަކީ ހަމައެކަނި ޢިލްމު ހޯދުމުގެ މަސައްކަތެއް ނޫންކަމާއި، ނޭނގޭ ކަންކަން ދެނެގަތުމުގެ އިތުރުން، އިންސާނިއްޔަތުގެ ކުރިއެރުމަށް މަގުފަހިކޮށްދޭ ކެޓަލިސްޓެއްކަމުގައި އަޅުގަނޑުމެން އެންމެން ޤަބޫލުކުރާކަން ވެސް މިފޮތުން ހާމަވެގެންދާކަމަށް ވެސް ބުނެޏެވެ.
ޖައްވުގައި އަމާން، ސުލްހަވެރި އަދި ފާގަތި މުސްތަގުބަލެއް ގާއިމުކުރުމަށް ނާސާއިން ބައިނަލްއަގްވާމީ ޕާޓްނަރުންނާ އެކު މަސައްކަތް ކުރަމުންދާއިރު، ކުރިއަށް އޮތް މަހާއި އަހަރުތަކުގައި އިތުރު ގައުމުތަކުން ވެސް އާޓެމިސް އެއްބަސްވުމުގައި ސޮއިކުރާނެ އެވެ. ނާސާއިން ނެރުނު ބަޔާނެއްގައި ބުނީ އާ ޕާޓްނަރުންނާއި މިހާރު ތިބި ޕާޓްނަރުންނާ އެކު މަސައްކަތް ކުރުމުން އާ ހަކަތައާއި ގާބިލުކަން އިތުރުވެ، ހޯދުމާއި ހޯދުމުގެ ދަތުރުގެ ފައިދާ މުޅި ދުނިޔެއަށް ލިބޭނެ ކަމަށެވެ.
ޗަންދުރަޔާން-3 ލޭންޑާ މޮޑިއުލް ކާމިޔާބުކަމާއެކު ހަނދުގެ ސައުތު ޕޯލްއަށް ޖެއްސުމަކީ ބުދަ ދުވަހުގެ ރޭ އިންޑިއާއަށް ލިބުނު ވަރަށް ބޮޑު ކުރިއެރުމެކެވެ. އޭގެ ސަބަބުން މީގެ ހަތަރު އަހަރު ކުރިން ޗަންދުރަޔާން-2 ބޯޓު ވެއްޓުނު ހާދިސާއާ ގުޅިގެން އުފެދުނު މާޔޫސްކަމަށް ނިމުމެއް އައެވެ.
ޕްރަގްޔާން ރޯވަރު ހިފައިގެން ދިޔަ ވިކްރަމް ލޭންޑާ ހަނދުގެ ސަރަޙައްދަށް އެރިއިރު، އަދި މިއީ ވެސް އިންޑިޔާގެ ޖައްވީ ދަތުރުފަތުރުގެ ދަތުރުގައި ބޮޑު ކުރިއެރުމެއް ލިބިގެންދިޔަ ކަމެކެވެ.
މިއީ އެމެރިކާ، ޗައިނާ އަދި ރަޝިއާއަށްފަހު ހަނދުގެ ސަރަޙައްދަށް ކާމިޔާބުކަމާއެކު ޖެއްސި ހަތަރުވަނަ ޤައުމެވެ.
އަންދްރަ ޕްރަދޭޝްގެ ސްރީހަރިކޯޓާގައި ހުންނަ ސަތީޝް ދަވަން ސްޕޭސް ސެންޓަރުން މި ޖައްވީ އުޅަނދު ފޮނުވާލާފައިވަނީ ޖުލައި މަހުގެ 14 ވަނަ ދުވަހުއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް