ރިޔާސީ އިންތިހާބުގެ ދެވަނަ ބުރަށް ރީ-ރަޖިސްޓަރީކުރިމީހުން ގިނަވުމގެ ސަބަބުން، އިތުރު 12 ވޯޓުފޮށި ބަހައްޓަން އިލެކްޝަންސް ކޮމިޝަން (އީސީ) އިން ނިންމައިފިއެވެ.
އީސީއިން ބުނީ، އަންނަ ހޮނިހިރު ދުވަހު ބޭއްވުމަށް ހަމަޖެހިފައިވާ ރިޔާސީ އިންތިޚާބުގެ ދެވަނަ ބުރުގައި ރަށްވެހިވެފައިވާ ރަށް ނޫން އެހެން ތަނެއްގައި ވޯޓުލުމަށް ރީ-ރަޖިސްޓަރީ ކޮށްފައިވާ އަދަދަށް ބެލުމަށްފަހު ވޯޓުލުމަށް ރީ-ރަޖިސްޓަރީކޮށްފައިވާ މީހުން ގިނަވުމުގެ ސަބަބުން، އިތުރު 12 ވޯޓުފޮށި ބެހެއްޓުމަށް އެ ކޮމިޝަނުން ނިންމާފައިވާ ކަމަށެވެ.
އިތުރުކުރެވުނު ވޯޓުފޮށިތައް:-
TT.1.2 (މާލޭރައްޔިތުން - 5)
TT.1.3 (މާލޭރައްޔިތުން - 1)
TT.1.6 (މާލޭރައްޔިތުން - 6)
AT.1.1 (ހއ. އަތޮޅު، މާލެ-1)
OT.1.1 (ލ. އަތޮޅު، މާލެ-1)
CT.3.1 (ށ. އަތޮޅު، މާލެ-3)
YT.0.33 (ވިލިމާލެ، އެހެނިހެން-1)
YT.0.29 (ހުޅުމާލެ، އެހެނިހެން-29)
YT.0.25 (ހުޅުމާލެ، އެހެނިހެން-25)
YT.0.5 (ހުޅުމާލެ، އެހެނިހެން-5)
YT.0.20 (ހުޅުމާލެ، އެހެނިހެން-20)
W01.1.1 (އިންޑިއާ / ޓްރިވެންޑްރަމް - 1)
ރިޔާސީ އިންތިހާބުގެ ދެވަނަ ބުރަށް ރީ ރަޖިސްޓަރ ވާން އީސީން ހުޅުވާލީ ތިން ދުވަހުގެ މުއްދަތެކެވެ. ތިން ދުވަހުގެ ތެރޭގައި 47 ހާސް މީހުން ރީ-ރަޖިސްޓްރޭޝަނަށް ހުށަހަޅާފައި ވާކަމަށް އީސީއިން ބުނެފިއެވެ.
އީސީން ބުނީ، ރިޔާސީ އިންތިހާބު ގެ ފުރަތަމަ ބުރުގައި، 42867 މީހުން ރީ-ރަޖިސްޓަރީ ކުރަން ހުށަހެޅިއިރު، ދެވަނަ ބުރުގައި 47 ހާހަށްވުރެ ގިނަ މީހުންވަނީ، ރީ-ރަޖިސްޓަރީ ކުރަން ހުށަހަޅާފައިވާ ކަމަށެވެ.
ރިޔާސީ އިންތިހާބުގެ ދެވަނަ ބުރުގެ ވޯޓުލުން އޮންނާނީ އަންނަ ހޮނިހިރު ދުވަހުގެ ހެނދުނު8:00 ން ހަވީރު5:00 އަށެވެ.
ދެވަނަ ބުރުގައި ވޯޓުލާ ވަގުތުން އެއްގަޑިއިރު އިތުރު ކޮށްފައި ވަނީ، އިންތިހާބުގެ ފުރަތަމަ ބުރުގައި ވޯޓުލީ މީހުންގެ ނިސްބަތް ދަށް ވުމުން ކަމަށް އީސީން ބުނެފައިވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް