ފާއިތުވި ނުވަމަސްދުވަހު ދަށްނުވާ މިންވަރަށް ޗައިނާގެ ސްޓޮކް ދަށަށް ހިނގައްޖެ

ޗައިނާގެ ފައިސާ ބަލިކަށިވެ، ފާއިތުވި ނުވަ މަސް ދުވަހުގެ ތެރޭގައި ދަށަށް ނުދާ މިންވަރަށް ޗައިނާގެ ސްޓޮކް ދަށަށް ހިނގައްޖެއެވެ.

ޗެނަލް ނިއުސް އޭޝިއާއިން ރިޕޯޓްކޮށްފައިވާ ގޮތުގައި ޗައިނާގެ ފައިސާ ބަލިކަށިވަމުން އަންނައިރު، ޗައިނާގެ ސްޓޮކްތައް މިވަނީ ފާއިތުވި ނުވަ މަސް ދުވަހުގެ ތެރޭގައި ދަށްވި އެންމެ ބޮޑަށް ދަށަށް ގޮސްފައެވެ.

ޔުއާންގެ ޑިމާންޑް އަލުން ކޮޅަށް ޖެހުމަށް ކަމާބެހޭ ފަރާތްތަކުން ކުރި މަސައްކަތްތަކަށް އިންވެސްޓަރުންނަށް ހިތްވަރު ނުލިބުމުގެ ސަބަބުން މިދިޔަ ހޯމަ ދުވަހު ޔުއާން ވަނީ ދަށަށް ގޮސްފަ އެވެ. މި އިންވެސްޓަރުން މިހާރު ދައްކަމުން ދަނީ ބެއިޖިންގެ އިގްތިސާދު އަލުން ކޮޅަށް ޖެހުމުގެ ގާބިލުކަމާ މެދު އޮތް އިތުބާރު ކުޑަކަމެވެ.

މީގެ އިތުރުން، ލޯނު ދޭ މައިގަނޑު ބެންޗުމާކެއްގައި އުއްމީދުކުރި ވަރަށް ވުރެ ކުޑަ މިންވަރެއް ކަނޑާލުމުން މާކެޓްތައް މާޔޫސްވި އެވެ. އެހެންނަމަވެސް، ފައިސާ ގެއްލުމާއި ކެޕިޓަލް ފްލައިޓް ގެއްލޭނެ ކަމުގެ ބިރު ބޮޑުވެފައިވާ ދަނޑިވަޅެއްގައި، މާލީ ލުއިތައް ދީގެން ޑިމާންޑް އަލުން އިއާދަކުރުމަށް ބެއިޖިންއަށް ކުރިމަތިވެފައިވާ ދަތިތައް އެ ބަޔާނުގައި ވަނީ ފާހަގަކޮށްފައެވެ.

ދުނިޔޭގެ ދެވަނައަށް އެންމެ ބޮޑު އިޤްތިޞާދު އޮތް ޗައިނާގެ މުދަލުގެ ބޮޑު ސިނާޢަތުގައި މިވަގުތު ކުރިމަތިވެފައިވަނީ ހީވެސް ނުކުރާވަރުގެ ދަރަނީގެ ކާރިސާއެކެވެ. އަދި މިކަމުގެ ސަބަބުން އިންވެސްޓަރުންގެ ވިސްނުން ވެސް ހީނަރުވެފައިވާ ކަމަށް ޗެނަލް ނިއުސް އޭޝިއާއިން ބުނެއެވެ.

މިދިޔަ އަހަރުގެ ނޮވެމްބަރު މަހުގެ ފަހުކޮޅުން ފެށިގެން ޗައިނާގެ ބްލޫ ޗިޕް އިންޑެކްސް އާއި ހޮންގްކޮންގްގެ ހޭންގް ސެންގް އިންޑެކްސް ވެސް އެންމެ ދަށު ދަރަޖައަށް ވެއްޓުނީ އިންވެސްޓަރުންގެ އިތުބާރު ވަރުގަދަ ކުރުމުގެ މަގުސަދުގައި ޗައިނާގެ ސެކިއުރިޓީޒް ރެގިއުލޭޓަރުން މިދިޔަ ހުކުރު ދުވަހު އިއުލާނުކުރި ފިޔަވަޅުތަކާ މެދު މާޔޫސްވެގެންނެވެ.

ސިންގަޕޫރުގެ ސެކްސޯގެ މާކެޓް ސްޓްރެޓެޖިސްޓް ޗާރޫ ޗަނާނާ ވިދާޅުވި ގޮތުގައި ޗައިނާގެ ކޯޕަރޭޓްތަކާއި ގޭބިސީތައް ތިބީ ޑިލެވެރޭޖިން މޯޑެއްގައި ކަމަށާއި ރޭޓް ކަނޑާލުމުން އެކަން ބަދަލު ކުރަން ނުފުދޭނެ ކަމަށެވެ. ކަމާބެހޭ ފަރާތްތަކަށް އެކަން އިހުސާސްވާން ފަށާނެ ކަމަށް ބެލެވޭ ކަމަށްވެސް އެކަމަނާ ހާމަކުރިއެވެ.

"ރޭޓް ކަނޑާލުމުން ބޭންކުތަކަށް އިތުރު ޕްރެޝަރެއް ކުރިމަތިވާ ކަމަށާއި ސެންޓިމެންޓާއި އެކްޓިވިޓީ ލެވެލް އަލުން ދިރުވުމަށް ކެޕިޓަލް އެޑިކުއޭސީ އާއި ސޮލްވެންސީގެ މައްސަލަތައް ހައްލުކުރުމަށް ފުޅާ ފިޔަވަޅުތަކެއް އަޅަން ޖެހޭނެ،" އެކަމަނާ ވިދާޅުވި އެވެ.

ޗެނަލް ނިއުސް އޭޝިއާއިން ރިޕޯޓްކޮށްފައިވާ ގޮތުގައި އޮންޝޯރ ޔުއާންގެ އަގު ވަނީ ގާތްގަނޑަކަށް 0.3 އިންސައްތަ ދަށަށް ގޮސް، ޑޮލަރަކަށް ގާތްގަނޑަކަށް 7.30 އަށް އަރާފައެވެ.

އެކްސްޕޯޓް ދަށްވުމާއި، ބޭނުންކުރާ މިންވަރު ދަށްވުމާއި، މުދަލުގެ ބާޒާރުގެ ވައުދުތަކުގެ ސަބަބުން އިންވެސްޓަރުންގެ ކަންބޮޑުވުން ތައް ފިލުވާލަން މަސައްކަތް ކުރަމުން ދަނިކޮށް، ބެއިޖިންއިން ފައިސާގެ އަގު ދަށަށް ގޮސްފައި މިވަނީ، މަރުކަޒީ ބޭންކުގެ އިރުޝާދުތައް އަންދާޒާކުރި ވަރަށްވުރެ ވަރުގަދަވާނެ ކަމަށް ބެއިޖިންއިން ވައުދުވެފައި ވަނިކޮށެވެ. ނަމަވެސް ޗައިނާއިން ވަނީ މިދިޔަ ހޯމަ ދުވަހު އެއް އަހަރު ދުވަހުގެ ބެންޗްމާކް ލޭންޑިން ރޭޓް ދަށްކޮށްފަ އެވެ. ނަމަވެސް މޯގޭޖް ރޭޓްތައް ބިނާވެފައިވާ ފަސް އަހަރުގެ ރޭޓަށް ބަދަލެއް ނުގެނެސް މާކެޓްތައް ހަލަބޮލިކޮށްލި އެވެ.

ޗެނަލް ނިއުސް އޭޝިއާއިން ބުނި ގޮތުގައި ހޯމަ ދުވަހު ރޭޓް ކުޑަކުރުމުން ދޭހަވަނީ ޔުއާން ވިއްކުމާއި ކެޕިޓަލް ފްލައިޓެއް ގެނައުމުގެ ނުރައްކަލާއި މެދު ކަމާބެހޭ ފަރާތްތަކުން ކަންބޮޑުވާ ކަމެވެ. މިފަދަ ކަންބޮޑުވުންތަކުގެ ސަބަބުން ސިޔާސަތުތައް ބައްޓަންކުރާ ފަރާތްތަކުން މަނިޓަރީ ސެޓިންގްސް ލުއިކުރަން ޖެހިދާނެ ކަމަށާއި އެކަމުގެ ސަބަބުން މިހާރު އިޤްތިޞާދަށް އަންނަ ހީނަރުކަމާ ގުޅިގެން ބެއިޖިންގްއިން އަމަލުކުރާ ގޮތާމެދު އިންވެސްޓަރުންގެ މާޔޫސްކަން އިތުރުވެގެންދާނެކަމަށެވެ.

ސުމިޓޯމޯ މިޓްސުއީ ޑީއެސް އެސެޓް މެނޭޖްމަންޓްގެ ޗީފް މެކްރޯ ސްޓްރެޓެޖިސްޓް މަސާޔޫކީ ކިޗިކާވާ ވިދާޅުވި ގޮތުގައި ޗައިނާއިން ރޭޓް ކަނޑާލުމުގެ ސައިޒާއި ސްކޯޕް ލިމިޓް ކުރީ ޔުއާން ދަށަށް ދާ ޕްރެޝަރާ މެދު ކަންބޮޑުވާތީ ކަމަށް ވެދާނެ އެވެ. ކަރަންސީ މާކެޓް ސްޓޭބިލިޓީއަށް ޗައިނާގެ ކަމާބެހޭ ފަރާތްތަކުން ވަރަށް ބޮޑަށް ސަމާލުކަން ދޭ." މީގެ އިތުރުން ގޯލްޑްމަން ސޭކްސް އިން ވަނީ ޗައިނާގެ ސްޓޮކްތަކަށް އަންދާޒާ ކުރާ މިންވަރު ކުޑަކޮށް، ބޯހިޔާވަހިކަމުގެ ބާޒާރުގެ މައްސަލަތަކަށް އިތުރު ހަރުދަނާ ޖަވާބެއް ލިބެންދެން ވިޔަފާރީގެ ރޭންޖު ދަށްވާނެ ކަމަށް ލަފާކޮށްފަ އެވެ.

ޗެނަލް ނިއުސް އޭޝިއާއިން ރިޕޯޓްކޮށްފައިވާ ގޮތުގައި ގްރޯ އިންވެސްޓްމަންޓް ގްރޫޕްގެ ޗީފް އިކޮނޮމިސްޓް ހޮންގް ހާއޯ ވިދާޅުވީ އިންފްރާސްޓްރަކްޗާ ސްޓިމިއުލަސްގެ ސައިޒް ނުވަތަ އާބަން ވިލެޖް ރިވެމްޕް ޕްރޮގްރާމްގެ ދަށުން އަލުން ތަރައްގީ ކުރާނީ ކިތައް ފްލެޓްތޯ ފަދަ ވަކި އަދަދެއް ހިމެނޭ ޕޮލިސީ ލަނޑުދަނޑިތަކެއް ޗައިނާއަށް ބޭނުންވާ ކަމަށެވެ.

"އިތުބާރު އިތުރުކުރުމަށްޓަކައި މިހާރު ބޭނުންވަނީ ޓާގެޓްކުރެވިފައިވާ، ކުދިކުދި ސިޔާސަތުތަކުގެ ބަދަލުގައި "ފްލަޑް-އިރިގޭޝަން" އެޕްރޯޗެއް،" އޭނާ ވިދާޅުވި އެވެ.