ފާއިތުވި އަށް އަހަރު ތެރޭގައި ނޭޕާލާއި ޗައިނާއާ ދެމެދު އޮންނަ ހުރިހާ ބޯޑަރު ހުރަސްތަކެއް ގިނައިން ހުރީ ބަންދުކޮށްފަ އެވެ. ރަސްމީކޮށް އިއުލާން ނުކުރާ މި "ބްލޮކޭޑް" ގެ ސަބަބުން ނޭޕާލްގެ އިމްޕޯޓަރުންނާއި ވިޔަފާރިވެރިން މާޔޫސްވެފައިވާ ކަމަށް އީޕާޑަފާސް އިން ރިޕޯޓްކޮށްފައިވެ އެވެ.
ޗައިނާގެ ބޯޑަރު ކައިރީގައި ހުރި މާރުކޭޓްތައް ފަޅުވެ، އޭގެ ނަތީޖާއެއްގެ ގޮތުން ވިޔަފާރިވެރިންގެ މެދުގައި މާޔޫސްކަން އުފެދުނެވެ. މީގެ ތިން އަހަރު ކުރިން ޗައިނާގެ ރައީސް ޝީ ޖިންޕިންގް ނޭޕާލަށް ކުރެއްވި ދަތުރުފުޅުގައި އީޕާޑަފާސް ރިޕޯޓުގައިވާ ގޮތަށް ދެ ގައުމުގެ މެދުގައި ފުރިހަމަ މުވާސަލާތީ ނެޓްވޯކެއް ތަރައްގީ ކުރުމަށް އިސްކަން ދެއްވުމަށް ޝައުގުވެރިކަން ފާޅުކުރެއްވި އެވެ.
ޝީގެ މި ބަޔާނުގައި ނޭޕާލްގެ ވިޔަފާރިވެރިންގެ މެދުގައި ޖޯޝު އުފެދި، ވިޔަފާރިއާއި އިގްތިސާދީ ފުރުސަތުތައް ރަނގަޅުވާނެ ކަމަށް އުންމީދު ކުރައްވާ ކަމަށް ވެސް ވިދާޅުވި އެވެ. ނަމަވެސް ބިންހެލުމަށް ފަހު ޗައިނާއާ އެކު ނޭޕާލްގެ ހުރިހާ ބޯޑަރު ހުރަސްތަކެއް ބަންދުކުރުމުން ބޮޑެތި ވިޔަފާރިވެރިންނާއި، ބޯޑަރު ކައިރީގައި ތިބި ކުދި ފިހާރަވެރިންނަށް ވެސް ދަތިތަކެއް ކުރިމަތިވި އެވެ.
ނޭޕާލުން ޗައިނާއާ ހިއްސާކުރާ 1،414 ކިލޯމީޓަރުގެ ބޯޑަރުގައި ހަ ޗެކްޕޮއިންޓެއް ހިމެނޭ ކަމަށް އީޕާޑަފާސް ރިޕޯޓުގައިވެ އެވެ.
ކުރިން ހަލަބޮލި ބާޒާރެއްގެ ގޮތުގައި އޮތް ޓަޓޯޕަނީ އަށް އަހަރު ވަންދެން ހަމަހިމޭންކަން އޮތުމަށް ފަހު އެތަން ވަނީ ހިމޭންވެފަ އެވެ. ސިންދުޕަލްޗޯކް ޗެމްބަރ އޮފް ކޮމާސް އެންޑް އިންޑަސްޓްރީގެ ރައީސް ހޯމް ބަހާދުރު ބަސްނެޓް ވިދާޅުވީ ބިންހެލުމާ ގުޅިގެން ބޯޑަރު ބަންދުކޮށް ޓްރެފިކް ހުއްޓުވީ ޗައިނާއިން ކަމަށެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް