އެންސްޕާގެ ސީއީއޯ އަދި ރައީސުލްޖުމްހޫރިއްޔާގެ އޮފީހުގެ ތަރުޖަމާނު ހީނާ ވަލީދަކީ ވައްކަންކުރާނެ މީހއް ނޫންކަމުގައި ބާރަށު ދާއިރާގެ މެންބަރު އިބްރާހިމް ޝުޖާއު ވިދާޅުވެއްޖެވެ.
އެކްސްގައި މިރޭ ކުރެއްވި ޕޯސްޓެއްގައި ޝުޖާއު ވިދާޅުވީ ހީނާ ވަލީދު ވައްކަމެއް ނުކުރާނެކަން އެއީ ސައްތައިން ސައްތަ ޔަގީންކަމެއް ކަމަށެވެ.
އެމްޑީޕީ ވެރިކަމުން ބާލަން ކުރި މަސައްކަތުގައި ހީނާ ވަލީދަކީ އެއް ފަހުލަވާނުކަން ފާހަގަކޮށް ޝުޖާއު ވިދާޅުވެފައިވަނީ ފުރައްސާރަކޮށް އުނދަގޫކުރިޔަސް އެކަންކަމާ ކުރިމަތިލުމުގެ ހިތްވަރާއި ގަޓު ހީނާގެ ހުންނާނެކަމަށެވެ.
ޝުޖާއު މިހެން ވިދާޅުވެފައިމިވަނީ އެންސްޕާގެ އާ އޮފީސް އިމާރާތް ހޯދުމަށް ހެދި އެއްބަސްވުމާއި ގުޅޭ ވާހަކައިން ހީނާއަކީ ވަގެއްކަމަށްބުނެ އިސްތިއުފާއަށް އިދިކޮޅުން ގޮވަމުންދާ ދަނޑިވަޅެއްގައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް