ގިނައިން މަސް ކާނަމަ އުމުރު ދިގުވާކަމުގައި ދިރާސާއަކުން ދައްކައިފި އެވެ.
މި ދިރާސާއަކީ 16 އަހަރުގެ ޑާޓާ އެނަލައިޒް ކުރުމަށްފަހު ޝާއިޢުކޮށްފައިވާ ދިރާސާއެކެވެ. މި ދިރާސާގައި ބައި މިލިޔަން އަންހެނުންނާއި ފިރިހެނުންގެ ޑާޓާ ހިމެނެ އެވެ.
މި ދިރާސާގައިވާގޮތުގައި ނިއުޓްރިއަސް ޑައިޓަކަށް މަހަކީ ވަރަށް މުހިންމު އެއްޗެކެވެ. އޭގައި ޕްރޮޓީނާއި ވިޓަމިން އަދި ސިއްހަތަށް ފައިދާހުރި ތެޔޮ ގިނަ ކަމަށް ދިރާސާގައި ވެ އެވެ. އަދި ތެޔޮކޮށް ހުންނަ މަހުގައި އޮމެގާ ތިނެއް ހުންނައިރު މަހުގެ ތެލުން ލިބޭ ފައިދާ އިންތިހާއަށް ބޮޑުކަމުގައި މި ދިރާސާއިން ދައްކާފައި ވެ އެވެ.
އެ ދިރާސާގައި އިތުރަށް ބުނެފައިވާގޮތުގައި އޮމެގާ ތިނަކީ އުމުރު ދިގުކޮށްދޭ އަދި ލޮލުގެ ފެނުން ރަނގަޅުކޮށްދީ އިންސާނާގެ ނަފްސާނީ ހާލަތު ރަނގަޅުކޮށްދޭ މާއްދާއެއްކަމުގައިވާއިރު މަހުގައި އޮމެގޭ ތިނެއް ގިނަ އަދަދަކަށް އެކުލެވޭ ކަމަށެވެ.
އިތުރަށް ކިޔާލަން:
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް