މިއަދުގެ ދެވަނަ އޮރެންޖު އިންޒާރު – ހއ. އަތޮޅުން ފެށިގެން ވ. އަތޮޅާއި ހަމައަށް

މޫސުން ގޯސްވާނެކަމަށް ލަފާކޮށް މެޓުން މިއަދު ދެވަނަ އޮރެންޖު އިންޒާރު ނެރެފިއެވެ.

މިފަހަރު އޮރެންޖު އިންޒާރު ނެރެފައިމިވަނީ ހއ. އަތޮޅުން ފެށިގެން ވ. އަތޮޅާއި ދެމެދުގެ ރަށްތަކަށެވެ.

ހެނދުނު 11:00 އާއި ހަމައަށް ދެމިގެންދާނެކަމަށް ބުނެފައިވާ މި އޮރެންޖު ސަމާލުގައި ބުނެފައިވަނީ ގަދަވަޔާއެކު ބޯކޮށް ވާރޭވެހި، ގަޑިއަކު 34 މޭލާއި 40 މޭލާއި ދެމެދުގެ ބާރުމިނުގައި ވައިޖެހި އަދި ވިލާގަނޑުގައި ގަޑިއަކު 60 މޭލަށް ވައިގަދަވެ، ކަނޑުތައް ވަރަށް ގަދަވާނެކަމަށް ލަފާކުރެވޭކަމަށެވެ.