އީރާނަށް ހަމަލާދޭން އެމެރިކާއިން ބޭނުންކުރީ "ބަންކަރ-ބަސްޓަރ" ބޮމާއި ކްރޫސް މިސައިލް

އެމެރިކާގެ ހަނގުރާމަވެރި ބާރުތަކުން އީރާނުގެ ފޯޑޯ ނިއުކްލިއަރ އެންރިޗްމަންޓް މަރުކަޒަށް ދިން ހަމަލާގައި "ބަންކަރ-ބަސްޓަރ" ބޮންތައް ބޭނުންކުރިކަމަށް އެމެރިކާގެ ސަރުކާރުގެ އިސް މަސްއޫލުވެރިއެއް ހާމަކޮށްފިއެވެ. މި މަރުކަޒަކީ ފަރުބަދައެއްގެ އަޑިއަށް ވަރަށް ފުންކޮށް ބިނާކޮށްފައިވާ ތަނެކެވެ. ސިފައިންގެ އޮޕަރޭޝަންތަކާ ގުޅޭ މަޢުލޫމާތު ހާމަކުރުމުގެ ހުއްދަ ނެތުމުގެ ސަބަބުން، މި މަސްއޫލު ވާހަކަ ދެއްކީ އެ ފަރާތުގެ ނަން ހާމަނުކުރާ ގޮތަށެވެ.

އެމެރިކާގެ ބަންކަރ-ބަސްޓިންގ ބޮން ކަމުގައިވާ ޖީބީޔޫ-57 މެސިވް އޯޑްނަންސް ޕެނެޓްރޭޓަރ އަކީ 30،000 ޕައުންޑުގެ ބަރުދަނުގެ ބޮމެކެވެ. މި ބޮމުގެ ބަރުދަނާއި ކައިނެޓިކް ހަކަތައިގެ ސަބަބުން، އެއީ ބިމުގެ އަޑިއަށް ވަދެ، އޭގެ ފަހުން ގޮވާލެވޭ ބޮމެކެވެ. ހޮނިހިރު ދުވަހު ދެވުނު ހަމަލާތަކަކީ މި ބާވަތުގެ ބޮން ހަނގުރާމައިގައި ބޭނުންކުރެވުނު ފުރަތަމަ ފަހަރު ކަމުގައި ފާހަގަކުރެވެއެވެ.

އެހެން އެމެރިކާގެ ސަރުކާރުގެ އިސް މަސްއޫލެއް ބުނި ގޮތުގައި، އެމެރިކާގެ ސަބްމެރިން ތަކުންވެސް އީރާނަށް ދެވުނު ހަމަލާތަކުގައި ބައިވެރިވެ، ގާތްގަނޑަކަށް 30 ޓޮމަހޯކް ލޭންޑް އެޓޭކް މިސައިލް ދޫކޮށްލާފައިވެއެވެ. މި މަސްއޫލުވެރިޔާ ވާހަކަ ދެއްކީ ސިފައިންގެ އޮޕަރޭޝަންތަކާ ގުޅޭ މަޢުލޫމާތު ހާމަކުރުމުގެ ހުއްދަ ނެތުމުގެ ސަބަބުން، އެ ފަރާތުގެ ނަން ހާމަނުކުރާ ގޮތަށެވެ.

މި މިސައިލްތައް އަމާޒުކުރެވުނު ވަކި ތަންތަން އަދި ސާފުވެފައެއް ނުވެއެވެ. ނަމަވެސް، ފޯޑޯގެ އިތުރުން އީރާނުގެ އިތުރު ދެ ނިއުކްލިއަރ މަރުކަޒަކަށް ހަމަލާދެވުނު ކަމަށް ވެެއެވެ. އެއީ އިސްފަހާނާއި ނަޠަންޒްޒްގައި ހުރި މަރުކަޒުތަކެވެ.