މޫސުން ގޯސްވާނެ ކަމަށް ލަފާކޮށް ހުދު ސަމާލުގެ ވަގުތު އިތުރުކޮށްފި

ގުގުރުމާއި އެކު ބޯކޮށް ވާރޭ ވެހޭނެ ކަމަށް ލަފާކޮށް ހއ. އަތޮޅުން ފެށިގެން ބ. އަތޮޅާއި ހަމައަށް ހުދު ސަމާލުގެ ވަގުތު އިތުރުކޮށްފިއެވެ.

މޫސުމާ ބެހޭ އިދާރާއިން ކުރިން ހުދު ސަމާލު ނެރެފައިވަނީ ހެނދުނު 8:15 އިން 13:15 ގެ ނިޔަލަށެވެ. ނަމަވެސް މޫސުން އިތުރަށް ގޯސްވާނެ ކަމަށް ލަފާކޮށް ހުދު ސަމާލުގެ ވަގުތު ވަނީ މެންދުރު 13:15 އިން ފެށިގެން މިރޭ އިރުއޮއްސި 18:00 އާ ހަމައަށް އިތުރުކޮށްފައެވެ.

މޫސުމާއި ބެހޭ އިދާރާއިން ބުނީ ގުގުރުމާއި އެކު ބޯކޮށް ވާރޭ ވެހި ، ގަޑިއަކު 19 މޭލާ 24 މޭލާ ދެމެދު ބާރުމިނުގައި ވައިގަދަވެ ވިލާގަނޑެއްގައި ގަޑިއަކު 50 މޭލަށް ވައިގަދަވެ ކަނޑުތައް ގަދަވާނެ ކަމަށް ލާފާކުރެވޭ ކަމަށެެވެ.