ބ. އަތޮޅުން ފެށިގެން ވ. އަތޮޅާއި ދެމެދުގެ ރަށްތަކަށް އޮރެންޖު އިންޒާރު

މޫސުން ގޯސްވާނެކަމަށް ލަފާކޮށް ބ. އަތޮޅުން ފެށިގެން ވ. އަތޮޅާއި ދެމެދުގެ ރަށްތަކަށް މެޓުން އޮރެންޖު އިންޒާރު ނެރެފިއެވެ.

މޯލްޑިވްސް މީޓިއޮރޮލޮޖިކަލް ސާވިސް (މެޓް) އިން މި އިންޒާރު ނެރެފައިވަނީ ހެނދުނު 06:00 އިން 09:00 އަށެވެ.

އޮރެންޖު މި އިންޒާރުގައި ބުނެފައިވަނީ ގަޑިއަކު 24 މޭލާއި 40 މޭލާއި ދެމެދުގެ ބާރުމިނުގައި ވައިޖެހި އަދި ވިލާގަނޑުގައި ގަޑިއަކު 55 މޭލަށް ވައިގަދަވެ ކަނޑުތައް ވަރަށް ގަދަވުން އެކަށީގެންވާކަމަށެވެ.