ވައިބާރުވެ ކަނޑުތައް ގަދަވުމާއެކު ބޯކޮށް ވާރޭ ވެހޭނެ ކަމަށް މޫސުމާ ބެހޭ ގައުމީ އިދާރާއިން ލަފާކުރާތީ، ކަނޑުމަތީގައި ދަތުރުކުރާ ފަރާތްތަކަށް މޫސުމަށް ސަމާލުވުމަށް އިލްތިމާސްކޮށްފިއެވެ.
ދަތުރެއް ފަށާނަމަ އެކަން އަންގަންޖެހޭ ފަރާތްތަކަށް އެންގުމަށްފަހު އެކަނި ފުރުމަށް އެދިފައިވެއެވެ. އަދި ފުރުމުގެ ކުރިން އުޅަނދުގައިވާ ލައިފްޖެކެޓާއި މުވާސަލާތީ ނިޒާމާއި ދިޔަހިއްކާ ޕަންޕު ފަދަ ސާމާނު ރަނގަޅު ހާލަތުގައި ހުރިތޯ ޔަގީންކުރުމަށް ވެސް ގޮވާލާފައިވެއެވެ. ދަތުރުގެ ތެރޭގައި ލައިފްޖެކެޓް އަޅައިގެން، އިތުރަށް ސަމާލުވެގެން އުޅުމަށް ވެސް އެދިފައިވެއެވެ.
މުދާ އުފުލާ އުޅަނދުފަހަރަށް ހާއްސަކޮށް އެދިފައިވަނީ، އެ އުޅަނދަކަށް އުފުލޭ މިންވަރަށްވުރެ ބޮޑަށް މުދާ ބަރު ނުކުރުމަށާއި، މުދާ ރަނގަޅަށް ލައިސަންލައިގެން ބެހެއްޓުމަށެވެ.
ޑައިވިންގާއި ވޯޓަރ ސްޕޯޓްސް ހަރަކާތްތައް ހިންގާ ފަރާތްތަކަށް ވެސް މޫސުމަށް ހާއްސަ ސަމާލުކަމެއް ދިނުމަށް ގޮވާލާފައިވެއެވެ. މޫސުމާ ބެހޭ ގައުމީ އިދާރާއިން ރީނދޫ ނުވަތަ އޮރެންޖު ސަމާލު ނެރެފައިވާ ދުވަސްވަރު ދަތުރު ނުކުރުމަށް ވެސް އެދިފައިވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް