ހަމާސް އިން މިރޭ މިނިވަންކުރި ދެ އަސީރުންނަކީ އެމެރިކާއަށް ނިސްބަތްވާ ދެމައިން ކަމުގައިވާ ޖުޑިތު ރަނާން އާއި އޭނާގެ އަންހެން ދަރި ނަޓާލީ ކަމުގައި އިޒްރޭލުން ބުނެފިއެވެ.
އިސްރޭލުން ބުނެފައިވަނީ ހަމާސް އިން އެ ދެމީހުން ފުރަތަމަ ހަވާލުކުރީ އިންޓަނޭޝަނަލް ރެޑް ކްރޮސްގެ ޓީމަކާއި ކަމަށާއި މިހާރު އެ ދެމީހުން ސަލާމަތުން އިޒްރޭލަށް ގެންދެވިފައިވާކަމަށެވެ.
އެމެރިކާއަށް ނިސްބަތްވާ އެ ދެމީހުން ދޫކޮށްލަމުން ހަމާސްއިން ބުނެފައިވަނީ އެ ދެމީހުން ދޫކޮށްލަނީ ހެޔޮ ނިޔަތެއްގައި ކަމަށާއި ހަމާސް އަކީ ޓެރަރިސްޓް ޖަމާއަތެއް ނޫން ކަމަށެވެ.
މިނިވަންކުރި ދެ އަސީރުންނަކީ މި މަހުގެ ހަތްވަނަ ދުވަހު ހަމާސް އިން އިޒްރޭލަށް ވަދެގަނެ ގެންދިޔަ 200 އަސީރުންގެ ތެރެއިން ދެ އަސީރުންނެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް