އައްޑޫ ސިޓީއިން މީހަކު ގެއްލިގެން ހޯދަނީ

އައްޑޫ ސިޓީ މަރަދޫއިން މީހަކު ގެއްލިގެން ހޯދަމުން އެބަ ގެންދެއެވެ.

މި ކަމާއި ގުޅޭގޮތުން ފުލުހުން ބުނެފައިވަނީ ރޭގެ 07:00 ހާއިރު ގެއިން ނިކުމެގެންދިޔަ ފިރިހެނަކު ގެއަށް ނައިސް ގެއްލިގެން އުޅޭ މައްސަލައެއް މިއަދު މެންދުރު 01:30 ހާއިރު ފުލުހުންނަށް ރިޕޯޓުކޮށްފައިވާކަމަށެވެ.

މި މައްސަލައާއި ގުޅިގެން ބަލަންޖެހޭ ކަންކަން ބަލަމުން އަންނަ ކަމަށް ފުލުހުން ބުނެއެވެ.

ގެއްލިގެން ހޯދަމުން އަންނަ މީހާގެ ވަނަވަރު ފުލުހުންގެ ފަރާތުން އަދި އައްޑޫ ސިޓީ ކައުންސިލްގެ ފަރާތުންވެސް އަދި ހާމަކޮށްފައެއް ނުވެއެވެ.