ރިސޯޓެއްގައި އިމާރާތަކުން ދިވެއްސަކު ވެއްޓި ހިނގި ހިތާމަވެރި ހާދިސާއެއްގައި އަނިޔާވި މީހާ ނިޔާވެއްޖެެއެވެ.
މިކަން ހާމަކޮށް ފުލުހުން މިއަދު ބުނެފައިވަނީ ރ އަތޮޅު ރިސޯޓެއްގައި އިމާރާތެއްގެ ހަތަރުވަނަ ފަންގިފިލާއިން ދިވެހި ފިރިހެނަކު ވެއްޓިފައިވާކަމަށް ރޭ 12:49 ހާއިރު ފުލުހުންނަށް ރިޕޯޓް ކުރި ކަމަށެވެ.
"އުނގޫފާރު ހޮސްޕިޓަލަށް މީހާ ގެންދިޔައިރުވެސް ނިޔާވެފައިވާކަމަށް ހޮސްޕިޓަލުން ފުލުހުންނަށް މައުލޫމާތު ދީފައިވޭ" ފުލުހުން ބުނެފައިވެއެވެ.
ފުލުހުން ބުނެފައިވާގޮތުގައި މި ހާދިސާގައި ނިޔާވެފައިވަނީ އުމުުރުން 28 އަހަރުގެ މީހެކެވެ. ހާދިސާއާއި ގުޅިގެން އިތުރަށް ބަލަންޖެހޭ ކަންކަން ބަލަމުން އަންނަކަމަށްވެސް ފުލުހުން ބުނެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް