ގްލޯބަލް ބަޔޯފިއުލް އެލަޔަންސް : ހަކަތަ ބަދަލުކުރުމުގެ ދެމެހެއްޓެނިވި މަގެއް

އިންޑިއާގައި، މިއަހަރުގެ ސެޕްޓެމްބަރު 9 ގައި ބޭއްވި ޖީ-20 ނިއު ދިއްލީ ލީޑާސް ސަމިޓް އިފްތިތާހު ކުރި ދުވަހު އިންޑިއާގެ ބޮޑުވަޒީރު ނަރެންދުރަ މޯދީ ވަނީ އެމެރިކާ، ބްރެޒިލް، ޔޫއޭއީ، ސިންގަޕޫރު، އިޓަލީ، އާޖެންޓީނާ، ބަންގްލަދޭޝް އަދި މޮރިޝަސްގެ މަޝްހޫރު ލީޑަރުންގެ ހާޒިރުގައި ގްލޯބަލް ބަޔޯފިއުލް އެލަޔަންސް (ޖީބީއޭ) އިފްތިތާހު ކޮށްދެއްވައިފަ އެވެ.

މި އާ ޖަމާޢަތަކީ ޓެކްނޮލޮޖީގެ އުފެއްދުންތައް ކުރިއެރުވުމާއި، ބަޔޯފިއުލް ދެމެހެއްޓެނިވި ގޮތެއްގައި ބޭނުންކުރުން އިތުރުކޮށް، ހަރުދަނާ މިންގަނޑުތަކާއި ސެޓްފިކޭޝަންތައް ޤާއިމުކޮށް، ތަފާތު ސްޓޭކްހޯލްޑަރުން ބައިވެރިކޮށްގެން، ދުނިޔޭގެ އެކި ކަންކޮޅުތަކުގައި ބަޔޯފިއުލްތައް ބަލައިގަތުން ހަލުވިކުރުމެވެ.

ޖީބީއޭ އަކީ ބަޔޯފިއުލް ޓެކްނޮލޮޖީތައް ކުރިއެރުވުމަށާއި ފުޅާ ދާއިރާއެއްގައި ބޭނުންކުރުމަށް ބައިނަލްއަގްވާމީ އެއްބާރުލުން ދިނުމުގައި މުހިންމު ދައުރެއް އަދާކުރާ، މައުލޫމާތުގެ ސެންޓްރަލް ރިޕޮޒިޓަރީއެއްގެ އިތުރުން އެކްސްޕާޓް ހަބެއްގެ ގޮތުގައި ވެސް މަސައްކަތް ކުރާނެ ޖަމިއްޔާއެކެވެ. އިންޓަނޭޝަނަލް ސޯލާ އެލަޔަންސްއާ އެއްހަމައެއްގައި، ބަޔޯފިއުލް އެލަޔަންސްގެ މައިގަނޑު މަގްސަދުތަކުގެ ތެރޭގައި ބަޔޯފިއުލް ފުޅާ ދާއިރާއެއްގައި ބޭނުންކުރުން އަވަސްކުރުމާއި، އާ ބަޔޯފިއުލް ޓެކްނޮލޮޖީތައް އުފެއްދުމާއި، ދުނިޔޭގެ ފެންވަރުގައި ބަލައިގަނެފައިވާ މިންގަނޑުތައް ގާއިމުކުރުމާއި، ބައިނަލްއަގްވާމީ ނަމޫނާ އާދަތައް ފާހަގަކޮށް، އިންޑަސްޓްރީގެ އެކްޓިވް އެންގޭޖްމަންޓް އިތުރުކުރުން ހިމެނެ އެވެ.

ފާހަގަކޮށްލެވޭ ގޮތުގައި މި "ވޯޓާޝޭޑް މޮމެންޓް" އަންނަނީ ތިމާވެށީގެ މައިގަނޑު ތިން މުނާސަބަތެއްގެ މުހިންމުކަން ރަމްޒުކޮށްދޭ މަހެއްގެ ތެރޭގަ އެވެ. ސެޕްޓެމްބަރު މަހުގެ 7 ވަނަ ދުވަހަކީ ބައިނަލްއަޤްވާމީ ގޮތުން ފާހަގަކުރާ ބްލޫ ސްކައިސްއަށް ސާފު ވައިގެ ދުވަސް ފާހަގަކުރުމުގެ ގޮތުން ފާހަގަކުރާ ދުވަހެކެވެ. މި ދުވަސް ފާހަގަކުރަނީ، އާދަޔާ ޚިލާފަށް އުޑުތަކާއި ވައިގެ ފެންވަރު ދެނެގަތުމަށް ޚާއްޞަކުރެވިފައިވާ ދުވަހެއްގެ ގޮތުގައެވެ. އަދި އެއަށްފަހު ސެޕްޓެމްބަރު މަހުގެ 16 ވަނަ ދުވަހު އޯޒޯން ފަށަލަ ހިމާޔަތްކުރުމުގެ ބައިނަލްއަޤްވާމީ ދުވަހުގެ މުނާސަބަތުގައި، އޯޒޯން ފަށަލަ ހިމާޔަތްކުރުމުގެ ބައިނަލްއަޤްވާމީ ދުވަސް ފާހަގަކުރަމުންނެވެ.

މިމަސް ނިމެން ކައިރިވަމުން އަންނައިރު، ދުނިޔޭގެ ތިމާވެށީގެ ދުޅަހެޔޮކަމުގެ ދުވަސް، ސެޕްޓެމްބަރު މަހުގެ 26 ވަނަ ދުވަހަކީ، އަޅުގަނޑުމެންގެ ތިމާވެއްޓާއި ދުޅަހެޔޮކަމާ ދޭތެރޭގައި އޮތް ވަރަށް ބޮޑު ގުޅުމެއް ދައްކުވައިދޭ ދުވަހެކެވެ.

ތިމާވެށީގެ މައިލްސްޓޯންތަކުގެ މި ގުޅުމަކީ، އަޅުގަނޑުމެންގެ ދިރިއުޅުމާއި، އަޅުގަނޑުމެންގެ ޕްލެނެޓްގެ ނާޒުކު ބެލެންސް ބަރޯސާވެފައިވާ ޤުދުރަތީ ދުނިޔެ ތަރުބިއްޔަތުކޮށް، ޙިމާޔަތްކުރުމުގައި، އަޅުގަނޑުމެން އެންމެން ގުޅިގެން އަދާކުރަންޖެހޭ ޒިންމާގެ ހަނދާން އާކޮށްދޭ ކަމެކެވެ.

ބަޔޯފިއުލްގައި ދަނޑުވެރިކަމުގެ ބާވަތްތައް ނުވަތަ އޯގަނިކް ކުނީން ލިބޭ ކޮންމެ ތެޔޮ ވެސް ހިމެނެ އެވެ. މުޅި ތާރީޚުގައި ވެސް އިންސާނުން ވަނީ ބަޔޯފިއުލްގެ ބާރު ބޭނުންކޮށްފަ އެވެ. މިސާލަކަށް ލަކުޑި އާއި ހަނޑޫ ފަދަ ތަކެތި ކެއުމާއި ހޫނުކުރުމާއި އަލިކުރުން ފަދަ ޒަރޫރީ ބޭނުންތަކަށް އަންދާލުމެވެ. ފާއިތުވި އަހަރުތަކުގައި ބަޔޯފިއުލްތަކަށް ގިނަ ބައެއްގެ ސަމާލުކަން ލިބުނީ ސާފު ހަކަތައިގެ ބަދަލުތައް ފޯރުކޮށްދިނުމުގެ ފުރުސަތު އޮތުމުންނެވެ. މި ބަޔޯފިއުލްތައް ތަފާތު "ޖެނެރޭޝަން" ތަކަށް ބަހާލެވިފައި ވަނީ އޭގެ އަސްލަށް ބަލައިގެންނެވެ. ފުރަތަމަ ޖީލުގެ ބަޔޯފިއުލްތައް އުފެދެނީ ކާބޯތަކެތީގެ ބާވަތްތައް ކަމަށްވާ ކޯން އާއި ހަކުރުގެ ބާވަތްތަކުން ކަމަށްވާއިރު، ދެވަނަ ޖީލުގެ ބަޔޮފިއުލްތައް އުފެދެނީ ކެއުމަށް ބޭނުން ނުކުރެވޭ ގަސްގަހާގެހާއި ދަނޑުވެރިކަމުގެ ކުނީންނެވެ. ތިންވަނަ ޖީލުގެ ބަޔޯފިއުލް ހޯދަނީ އެލްގީއިންނެވެ.

މަޝްހޫރު ބަޔޯފިއުލްތައް ކަމަށްވާ އެތަނޮލް، ބަޔޯޑީސަލް އަދި ބަޔޯގޭސް އަކީ މިއިން ކޮންމެ ވެސް ވަސީލަތަކުން އުފައްދައި، އޭގެ އަސްލަށް ބަލައި ގިންތިކުރެވިފައިވާ ބަޔޯފިއުލްތަކެކެވެ. މިސާލަކަށް ދަނޑުތަކުގައި ހައްދާ ކަރާއިން އުފެދޭ އެތަނޮލް އަކީ ފުރަތަމަ ޖީލުގެ އެތަނޮލްގެ ކެޓަގަރީގައި ހިމެނޭ އެއްޗެކެވެ.

ފަސިންޖަރުންގެ އުޅަނދުތަކުން ފެށިގެން ޓްރަކިން، ޝިޕިން އަދި އޭވިއޭޝަން ފަދަ ދަތުރުފަތުރުގެ އެކި ވަސީލަތްތަކުގައި ބަޔޯފިއުލް ބޭނުންކުރެ އެވެ.

މި ފިއުލްތަކަކީ ކޮންވެންޝަނަލް ފޮސިލް ފިއުލްތަކަށްވުރެ ތަފާތު އެޑްވާންޓޭޖެއް ލިބޭ ތެޔޮތަކެކެވެ. އެއާ ޚިލާފަށް، އާންމުގޮތެއްގައި އެތަކެތި އެކުލެވޭ ޕެޓްރޯލާއި ޑީސަލްއަކީ ތިމާވެއްޓާ ރައްޓެހި މި ސިފަ ހިއްސާކުރާ އެއްޗެއް ނޫނެވެ.

ވައިގެ ދަތުރުފަތުރުގެ ދާއިރާއާއި ވަކި ބާވަތެއްގެ ކަނޑުއުޅަނދުފަހަރުގެ ރޮނގުން ބަޔޯފިއުލްތަކުން ފޮސިލް ފިއުލްގެ ބަދަލުގައި އެންމެ ފަހުން ބަދަލުކުރެވިދާނެ ކަމުގެ އުއްމީދީ ވިސްނުމެއް އެބައޮތެވެ. މި ޓްރާންސިޝަންގެ ވައުދަކީ ދަތުރުފަތުރުގެ މި ވަސީލަތްތަކާ ގުޅިފައިވާ ކާބަން ފުޓްޕްރިންޓް ކުޑަކުރުމެވެ. މި އުންމީދު އިތުރަށް މަޖުބޫރުވެގެންދާނީ، އޯގަނިކް ކުނީގެ ބާވަތްތަކާއި، ކުނިބިމުގައި ހައްދާ ކާބޯތަކެތީގެ ބާވަތްތައް ބޭނުންކޮށްގެން ބަޔޯފިއުލް ނެގޭނަމައެވެ. މިފަދަ ސޯރސިންގ އެޕްރޯޗެއްގެ ސަބަބުން ބަޔޯފިއުލްތަކުގެ މުޅި ތިމާވެށީގެ ސާފުތާހިރުކަން ވަރަށް ބޮޑަށް އިތުރުވެގެންދާނެއެވެ.

މިހާތަނަށް 19 ގައުމަކާއި ބައިނަލްއަގުވާމީ 12 ޖަމިއްޔާއަކުން މި އިއްތިހާދުގައި ބައިވެރިވުމަށް އެއްބަސްވެފައިވާ އިރު، އޭގެ ތެރެއިން ފައުންޑިން މެމްބަރުންނަކީ އިންޑިއާ، ބްރެޒިލް އަދި އެމެރިކާ އެވެ.

މި ތިން ގައުމު ގުޅިގެން ދުނިޔޭގެ އެކި ކަންކޮޅުތަކުގައި އެތެނޮލް އުފައްދާ މިންވަރުގެ ގާތްގަނޑަކަށް 85 އިންސައްތަ އާއި އޭގެ 81 އިންސައްތަ ބޭނުންކުރެއެވެ. 2022 ވަނަ އަހަރު ދުނިޔޭގެ އެކި ކަންކޮޅުތަކުގައި އެތަނޮލް މާކެޓުގެ އަގު 99.06 ބިލިއަން ޑޮލަރަށް އަރާފައިވާއިރު، 5.1 އިންސައްތައިގެ ކޮމްޕައުންޑް އެނުއަލް ގްރޯތް ރޭޓް (ސީއޭޖީއާރު) 2032 ވަނަ އަހަރުގެ ނިޔަލަށް 162.12 ބިލިއަން ޑޮލަރަށް ވުރެ މައްޗަށް އަރާނެ ކަމަށް ލަފާކޮށްފައިވެ އެވެ.

އިންޑިއާގެ ކޮންސެޕްޓަކުން އުފެދޭ މި އިއްތިހާދަކީ އޯގަނައިޒޭޝަން އޮފް ދަ ޕެޓްރޯލިއަމް އެކްސްޕޯޓިން ކަންޓްރީޒް (އޯޕެކް)ޕްލަސް ކޯލިޝަނަށް އަމާޒުކޮށްގެން ދުނިޔޭގެ އެކި ކަންކޮޅުތަކުގައި ސްޓްރެޓެޖިކް ގޮތުން ގާއިމްކޮށްފައިވާ އެލަޔަންސެކެވެ. އެގޮތުން ޑިމާންޑް އެމްޕްލިފިކޭޝަންގެ މަގުފަހިކޮށްދިނުމާއި ބަޔޯފިއުލް އުފެއްދުމަށް ބޭނުންވާ ޓެކްނޮލޮޖީ އެކްސްޗޭންޖް ކުރުމާއި ބައިނަލްއަގުވާމީ ވިޔަފާރީގެ ކަންކަން އިތުރުކުރުން ހިމެނެ އެވެ.

ބަޔޯފިއުލް އުފެއްދުމުގެ އުއްމީދީ މަގުޗާޓެއް އިންޑިއާއިން ކަނޑައަޅައިފައިވާއިރު މި މަސައްކަތަށް ސަރުކާރުން ވެފައިވާ އަހައްމިއްޔަތުކަން ދައްކުވައިދީ، ސަރުކާރުން ވަނީ މީގެ ކުރިން ކަނޑައަޅާފައިވާ ޓައިމްލައިން އަވަސްކޮށް، 2025-26 ވަނަ އަހަރުގެ ނިޔަލަށް ޕެޓްރޯލްގައި 20 އިންސައްތަ އެތަނޯލް ބްލެންޑިން ރޭޓެއް ހާސިލްކުރުމަށް އަމާޒު ހިފާފައެވެ. މީގެ އިތުރުން އިންޑިއާއިން ވަނީ 10 އިންސައްތަ އެތެނޮލް ބްލޭންޑިންއާއެކު ޕެޓްރޯލް ސަޕްލައިކުރުމުގެ ފުރަތަމަ އަމާޒަށްވުރެ، 2022 ވަނަ އަހަރުގެ ނޮވެމްބަރު މަހު ކަނޑައެޅިފައިވާ އަސްލު ޝެޑިއުލްގެ ކުރިން، އޭގެ ކުރީ އަހަރުގެ ޖޫން މަހު މި ކާމިޔާބީ ހާސިލްކޮށްފައެވެ.