ފެން ބޮޑުވެދާނެކަމަށް ލަފާކޮށް އެންމެ އުތުރުގެ ތިން އަތޮޅަށް އޮރެންޖު އިންޒާރު

ބޯކޮށް ވާރޭވެހި ފެންބޮޑުވެދާނެކަމަށް ލަފާކޮށް އެންމެ އުތުރުގެ ތިން އަތޮޅަށް މެޓުން އޮރެންޖު އިންޒާރު ނެރެފިއެވެ.

އޮރެންޖު މި އިންޒާރު ނެރެފައިވަނީ ހއ. އަތޮޅުން ފެށިގެން ށ. އަތޮޅާއި ދެމެދުގެ ރަށްތަކަށެވެ.

މޯލްޑިވްސް މީޓިއޮރޮލޮޖިކަލް ސާވިސްގެ އެ އިންޒާރުގައި ބުނެފައިވަނީ ގުގުރުމާއެކު ބޯކޮށް ވާރޭވެހި ފެންބޮޑުވާނެކަމަށް ލަފާކުރެވޭކަމަށެވެ.

އޮރެންޖު އިންޒާރު ނެރެފައިވަނީ މިރޭ 08:30 އިން މިރޭ 10:30 އާއި ދެމެދުގެ ވަގުތަށެވެ.