ޓެކްނިކަލް ސަބަބަކާ ހެދި ހިޔާ ފްލެޓުތަކަށް ކަރަންޓު ދިނުން މިއަދު މެދުކަނޑާލައިފި

ޓެކްނިކަލް ސަބަބަކާ ހެދި ހިޔާ ފްލެޓުތަކަށް ކަރަންޓު ދިނުން މިއަދު މެދުކަނޑާލައިފި އެވެ.

ސްޓެލްކޯ އިން ބުނީ މިއަދު ކަރަންޓު ދިނުމަށް ނިންމާފައިވާ ހިޔާފްލެޓްތަކުގެ 3 އަދި 4 ވަނަ ޓަވަރުގެ ލިފްޓްތަކަކަށް ދިމާވި ޓެކްނިކަލް މައްސަލައަކާއި ގުޅިގެން ކަރަންޓު ދިނުމުގެ މަސައްކަތް މެދުކަނޑާލާފައިވާ ކަމަށެވެ. އަދި މިގޮތަށް ނިންމީ އެޗްޑީސީގެ މަޝްވަރާގެ މަތިން  ކަމަށެެވެ.

އެޗްޑީސީން މިހާރު ގެންދަނީ އެ މައްސަލަ ހައްލު ކުރުމުގެ މަސައްކަތް ކުރަމުން ކަމަށާއި އެ 2 ޓަވަަރަށް ކަރަންޓު ދިނުމުގެ މަސައްކަތް ދެން ކުރިޔަށް ގެންދާނެ ދުވަހެއް، އެ ޓަވަރުތަކުން ފްލެޓް ލިބިފައިވާ ފަރާތްތަކަށް އެސް.އެމް.އެސް އަދި ސޯޝަލް މީޑިއާ މެދުވެރިކޮށް އަންގާނެ ކަމަށް ވެސް ސްޓެލްކޯ އިން ބުނެފައި ވެއެވެ.

https://twitter.com/STELCOMALDIVES/status/1428604602065121290

ސްޓެލްކޯ އިން އަންނަނީ ވަކިތާވަލަކާއި އެއްގޮތަށް ދުވާލަކު ދެ ޓަވަރަށް ކަރަންޓު ދެމުން ނެވެ. އެގޮތުން މިހާރު ވަނީ 7، 8، 11 އަދި 12 ވަނަ ޓަވަރަށް ގުޅުން ދީފަ އެވެ.