އިންޑިއާއިން ރާއްޖެއަށް ގިނަ އަދަދަކަށް ޓީބީ ބޭސް ހަދިޔާކޮށްފި

އަވަށްޓެރި އިންޑިއާއިން ދިވެހިރާއްެޖެއަށް ގިނަ އަދަދެއްގެ އެންޓި – ޓިބަކިއުލޮސިސް (ޓީބީ) ބޭސް ހަދިޔާކޮށްފިއެވެ.

އިންޑިއާ ސަރުކާރާއި ރައްޔިތުންގެ ފަރާތުން  ދިވެހިރާއްޖޭގެ ސަރުކާރާއި  ރައްޔިތުންނަށް  ހަދިޔާކުރާ އެންޓި-ޓިއުބަކިއުލޮސިސް  (ޓީބީ)  ބޭސް ،އިންޑިއަން ހައިކޮމިޝަންގެ ޗާޖް ޑެ އެފެއަރޒް ރޯހިތް ރަތިޝް  ވަނީ  ދިވެހިރާއްޖޭގެ  ހެތްލް  މިނިސްޓްރީގެ  ސްޓޭޓް  މިނިސްޓަރ  ޝާހް  އަބްދުﷲ  މާހިރުއާާއި 19  މެއި  2022  ވަނަ  ދުވަހު  ހަވާލުކުރައްވާފައިއެވެ.

މި  ހަދިޔާކުރެވުނު  އެންޓި-ޓީބީ  ބޭސް  ވެގެންދާނީ  ދިވެހިރާއްޖެއިން  2025  ވަނަ  އަހަރަށް  ޓީބީގެ  ބަލި  މި  ޤައުމުން  ނައްތާލުމަށް  ކުރަމުންދާ  މަސައްކަތައް  އިތުރު  އެހީއެއްގެގޮތުގައި ކަމަށާއި މި  ހަދިޔާކުރެވުނު  ބޭސްތަކުގެ  ތެރޭގައި  އެންޓި-ޓީބީގެ އެކި  ބާވަތުގެ  27،000  ވުރެ  ގިނަ ޓެބްލެޓް  ހިމެނޭކަމަށް އިންޑިއާއިން ބުނެއެވެ. މީގެ  ތެރޭގައި  މަލްޓި-ޑްރަގް-ރެސިސްޓަންޓް ޓިއުބަކިއުލޮސިސް  (އެމް.ޑީ.އާރް- ޓީބީ)  ވެސް  ހިމެނެއެވެ.  މި  އެންޓި-ޓީބީ ބޭސްތައް  ހަދިޔާ  ކުރެވިފައިވަނީ  އިންޑިއާގެ  ނެއިބަރހުޑް  ފަސްޓް  ސިޔާސަތުގެ  ދަށުން ނެޝަނަލް ޓިއުބަކިއުލޮސިސް  އެލިމިނޭޝަން  ޕްރޮގްރާމް(އެން.ޓީ.  އީ.ޕީ)ގެ  ސްޓޮކްއިންނެވެ.  ދިވެހިރާއްޖޭގެ  ސަރުކާރުން  ސިއްޙީ  ދާއިރާގެ  ކުރިއެރުވުމަށް  ކުރަމުންދާ  މަސައްކަތުގައި  އިންޑިއާއިން  އެހީތެރިކަން  ފޯރުކޮށްދިނުމުގައި  ސާބިތުކަންމަތީ  ދެމިތިބޭނެކަމުގައިވެސް އިންޑިއާއިން ބުނެފައިވެއެވެ.

އިތުރު  މަޢުލޫމާތު:

ޓިއުބަކިއުލޮސިސް  (ޓީބީ)  އަކީ ސަލާމަތްތެރިވެ  އެއިން  ރަނގަޅުވެވޭދަފަ  ބައްޔެއްކަމުގައި  ވިޔަސް،  އެއީ  ދުނިޔޭގައި  އެންމެ  ގަދައަށް  ފެތުރި  އޭގެ  ސަބަބުން  އެންމެ  ގިނަ މީހުން  މަރުވަމުންދާ  ބައްޔެވެ.  ދެކުނު  އޭޝިޔާގެ  ބައްރަކީ  ދުނިޔޭގެ  އާބާދީގެ  ހަތަރު  ބައިކޮޅު  އެއްބައި  ކަމުގައިވެފައި،  ދުނިޔޭގައި  ނިސްބަތުން  ޓީބީ  ޖެހޭ  މީހުންގެ  އަދަދުގެ  43%  މީހުންނަނީ  މި  ސަރަޙައްދުގެ  މީހުންކަމުގައިވެފައި،  އޭގެ  ތެރެއިންވެސް  ބޭސްފަރުވާއިން  ރަނގަޅު  ނުކުރެވޭ   ތިން  ބައި  ކުޅަ  އެއްބަޔަކީ  މި  ސަރަޙައްދުގެ  މީހުންނެވެ.

ސިއްޙީ  ދާއިރާގެ  ގުޅުމާކީ  އިންޑިއާ  އަދި  ދިވެހިރާއްޖޭގެ  ގުޅުމުގެ  ތެރޭގައި  ހިމެނޭ  ޒަމާންވީ  ގުޅުމެކެވެ.  އިންޑިއާގެ  އެތައް  ސަތޭކަ  ޑޮކްޓަރުންނާއި  ނަރުހުން  އަދި  ސިއްޙީ  ޙިދްމަތްތެރިން  ރާއްޖޭގައި ވަޒަންވެރިވެ،  ރާއްޖޭގެ ސިއްޙީ  ދާއިރާގައި  ޙިދްމަތްކުރެއެވެ.

އިންޑިއާގެ  ނެއިބަރހުޑް  ފަސްޓް  ސިޔާސަތުގެދަށުން  އިންޑިއާ  އަދި  ދިވެހިރާއްޖެއާ  ދެމެދު ސިއްޙީ  ދާއިރާގެ  ގުޅުން  ބަދަހިކުރުމަށް  އިސްކަމެއްދެއެވެ.

އެގޮތުން އިންޑިއާގެ  އެކްސްޓަރނަލް  އެފެއަރސް  މިނިސްޓަރ  ޖަޔަ  ޝަންކަރު،  މާރޗް  2022ގައި  އައްޑޫއަށް  ކުރެއްވި  ދަތުރުފުޅުގައި  ވިލުނު  ޑްރަގް  ޑިޓޮކްސް  އެންޑް  ރިހެބިލިޓޭޝަން  ސެންޓަރުވަނީ  ހުޅުވައިދެއްވައިފައެވެ. ދެ  ޤައުމުންވަނީ  ހިމަ  ބިހި  ބަލީގެ  އައުޓް  ބްރޭކްއަކުން  ސަލާމަތްވުމަށް  ޖެނުއަރީ  2020ވަނަ  އަހަރު  ގުޅިގެން  މަސައްކަތްކޮފައިއެވެ.

ހަމައެއާއިއެކު  ކޮވިޑް-19 ގެ  ޕެންޑަމިކް  ތެރޭގައިވެސް  އިންޑިއާ  އަދި  ދިވެހިރާއްޖޭންވަނީ  ރައްޔިތުންނަށް  ޕެންޑެމިކްގެ  ސަބަބުން  ފޯރާނެ  އަސަރުތައް  މަދުކުރުމައްޓަކައި  ގިނަގުނަ  މަސައްކަތްތަކެއްކޮށްފައިއެވެ.  އަދި  އިންޑިއާ  އަދި  ދިވެހިރާއްޖެއިންވަނީ  ކުރިއައްއޮތްތަނުގައި  ދެ  ޤައުމުގެ ގުޅުން  ބަދަހިކުރިމައް  އައު  ދާއިރާއެއް  ގޮތުގައި ކެންސަރުބަލި  ފާހަގަކުރެވިފައިއެވެ.