މިއަދުގެ މޫސުން: އުތުރާއި މެދުރާއްޖެއަށް ވިއްސާރަކުރާނެ، ދެކުނަށް މޫސުން ރަނގަޅު

އުތުރާއި މެދުރާއްޖޭގެ އަތޮޅުތަކުގެ ރަށްތަކަށް މިއަދުވެސް މޫސުން ގޯސްކަމުގައި މެޓުން ބުނެފިއެވެ.

މޯލްޑިވްސް މީޓިއޮރޮލޮޖިކަލް ޑިޕާޓްމެންޓް (މެޓް) އިން މިހެން ބުނެފައިވަނީ މިއަދުގެ ހަވީރު 6:00 އާއި ހަމައަށް މޫސުން ފޯކާސްޓްކޮށް ނެރެފައިވާ މޫސުމީ ބުލެޓިންގައެވެ.

މޫސުމާއިބެހޭ ގައުމީ އިދާރާގެ މޫސުމީ އެ ބުލެޓިންގައި ބުނެފައިވަނީ އުތުރާއި މެދުރާއްޖޭގެ އެކި ހިސާބަށް ވިއްސާރަކުރުމާއެކު ގުގުރުން އެކަށީގެންވާކަމަށެވެ. އަދި ދެކުނުގެ ބައެއް ރަށްތަކަށް ކެރީގެ އަސަރު ފޯރިނަމަވެސް އާއްމުގޮތެއްގައި މޫސުން ރަނގަޅުވާނެ ކަމަށެވެ.

ހުޅަނގުދެކުނާއި ހުޅަނގުން، އުތުރާއި މެދުރާއްޖޭގެ އަތޮޅުތަކަށް 10 މޭލާއި 20 މޭލާއި ދެމެދުގެ ބާރުމިނެއްގައި ވައި ޖެހޭނެ ކަމަށާއި ދެކުނުގެ އަތޮޅުތަކަށް ގަޑިއަކު ފަސް މޭލާއި 15 މޭލާއި ދެމެދުގެ ބާރުމިނުގައި ވައިޖެހޭނެކަމަށް ބުނެފައިވެއެވެ. އަދި ވިލާގަނޑުގައި ގަޑިއަކު 45 މޭލަށް ވައިގަދަވާނެކަމަށްވެސް ބުނެފައިވެއެވެ.

ކަނޑު އާދައިގެވަރަކަށް ގަދަވެފައި ވިލާގަނޑުގައި ގަދަވާނެކަމަށް ލަފާކޮށްފައިވާއިރު ރާޅުގެ އުސްމިން ހުންނާނެކަމަށް ލަފާކޮށްފައިވަނީ ހަތަރު ފޫޓާއި ދެ ފޫޓުގެ އުސްމިނެއްގައެވެ.