ރޯދަމަހު ކައިވެނި ކޮށްދޭނެ ގަޑިތައް ހާމަކޮށްފި

ފެމިލީ ކޯޓުން ރޯދަ މަހު ކައިވެނި ކޮށްދޭނެ ގަޑިތައް ހާމަކޮށްފިއެވެ.

އެ ކޯޓުން ބުނެފައިވާގޮތުގައި ރޯދަ މަހު ރަސްމީ ދުވަސްތަކުގައި ހެނދުނު 09:30 އިން މެންދުރު 12:30 އަށް ކައިވެނިކޮށްދޭނެއެވެ. އަދި ރޭގަނޑު 09:30 އިން ރޭގަނޑު 11:30 އަށް ކައިވެނިކޮށްދޭނެއެވެ.

ހަފްތާ ބަންދުގައި ހުކުރު ދުވަހު ރޭގަނޑު 09:30 އިން ރޭގަނޑު 11:30 އަށް އަދި ހޮނިހިރު ދުވަހު މެންދުރު 01:00 އިން މެންދުރު 02:00 އަށް އަދި ހަމަ އެހެންމެ ހޮނިހިރު ދުވަހު ރޭގަނޑު 09:30 އިން ރޭގަނޑު 11:30 އަށް ކައިވެނިކޮށްދޭނެކަމަށް ބުނެފައިވެއެވެ.

ކޯޓުން ބޭރުގައި ރޯދަމަހު ކައިވެނިކޮށްދިނުން ހަފްތާގެ ހަތް ދުވަހުވެސް ރޭގަނޑު 09:30 އިން ރޭގަނޑު 11:30 އަށް ކުރިއަށްދާނެކަމުގައިވެސް ކޯޓުން ބުނެފައިވެއެވެ.