ރައްޔިތުންގެ މަޖިލީހުގެ ރައީސް ކަމުން އިސްތިއުފާ ދެއްވުމަކީ ދިވެހިރާއްޖެއަށާއި ރައްޔިތުންގެ މަޖިލީހަށާއި އަދި ސިޔާސީ ޕާޓީތަކަށްވެސް ރަނގަޅު ގޮތަކަށް ނުވާނެ ކަމުގައި ރައްޔިތުންގެ މަޖިލީހުގެ ރައީސް، ރައީސް ނަޝީދު ވިދާޅުވެއްޖެއެވެ.
ރައީސް ނަޝީދު މިހެން ވިދާޅުވީ މިއަދު ރައްޔިތުންގެ މަޖިލީހުގައި ބޭއްވި ނޫސްވެރިންގެ ބައްދަލުވުމެއްގައެވެ.
ރައީސް ނަޝީދު ވިދާޅުވީ މިހާރު މަޖިލިސް ހުއްޓުމަކަށް އައިސްފައި އޮތް އޮތުން ގެނެވޭނީ ރައީސް ސޯލިހަށް ކަމަށެވެ. އެގޮތުން ހައްލެއްގެ ގޮތުގައި ރައީސް ނަޝީދު ވިދާޅުވީ މަޖިލީހަށް ވައްދާފައިވާ އިތުބާރުގެ ދެ މައްސަލައިގެ ތެރެއިން އެއް މައްސަލަ އަނބުރާ ގެންދިއުން ކަމަށެވެ.
ރައްޔިތުންގެ މަޖިލީހުގެ ރައީސް، ރައީސް ނަޝީދު އަދި މަޖިލީހުގެ ނައިބުރައީސް އީވާ އަބްދުﷲގެ އިތުބާރު ނެތްކަމުގެ މައްސަލަ މަޖިލީހަށް ވެއްދިފަހުން މަޖިލިސް ކުރިއަށް ގެންދެވޭ ގޮތެއް ވެފައެއްނުވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް