ޑިމޮކްރަސީގެ ހަތަރުވަނަ ބާރުކަމުގައި ބަލާ، މީޑިއާ ކޮންޓްރޯލު ކުރަން ނޫޅޭނެކަމުގެ ޔަޤީންކަން ދިވެހި ނޫސްވެރިންނަށް ރައީސް މިރޭ އަރުވައިފިއެވެ.
ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ސަރުކާރަށް އެއް އަހަރު ފުރުމުގެ މުނާސަބަތުގައި މިރޭ ބޭއްވި ޖަލްސާގައި ރައީސް ވިދާޅުވީ މީޑިއާ ކޮންޓްރޯލް ކުރައްވަން ނޫޅުއްވާކަމަށާއި ބޭނުންވަނީ މިހާރަށްވުރެވެސް ބޮޑަށް މީޑިއާ މިނިވަންވުން ކަމަށެވެ. އަދި މިހާރު ހުށަހަޅާފައިވާ ބަޖެޓަކީ ދައުލަތުގެ ބަޖެޓުން މީޑިއާތަކަށް ފައިސާ ދޭ ފުރަތަމަ ބަޖެޓުކަން ރައީސް ފާހަގަކުރެއްވިއެވެ.
އެ ރަސްމިއްޔާތު ނިންމަވާލައްވައި ކާރަށް އަރަން ވަޑައިގަންނަވަނިކޮށް ދައުރު ނޫހުގެ ސީނިއަރ ޖާނަލިސްޓް މުޒައްޔިން ރައީސަށް ސުވާލެއް ކުރެއްވިއެވެ. އެއީ މިހާރު މަޖިލީހުގެ ތަޅުމުގައި އޮތް ބިލާއި ގުޅޭގޮތުން ކުރެއްވި ސުވާލެވެ. އެ ބިލަކީ މޯލްޑިވްސް މީޑިއާ ކައުންސިލާއި ބްރޯޑްކާސްޓިން ކޮމިޝަން އޮފް މޯލްޑިވްސް އުވާލައި މުޅިން އާ މުއައްސަސާއެއް އުފައްދައި އަދި މީޑިއާތަކާއި ވަކި ވަކި ނޫސްވެރިން ޖޫރިމަނާވެސް ކުރެވޭނެހެން އެކުލަވާލާފައިވާ ބިލެކެވެ.
އެ ބިލު ތަޅުމަށް ހުށަހެޅުއްވީ މިނިވަން މެންބަރު، ތުޅާދޫ ދާއިރާގެ މެންބަރު އަބްދުލްހަންނާން އަބޫބަކުރެވެ.
ރައީސަށް މުޒައްޔިން ކުރިމަތިކުރި ސުވާލަކީ ޕީއެންސީގެ މެޖޯރިޓީ އޮތް އިރު އެ ބިލު މަޖިލީހުން ބޭރު ކުރާނެތޯ؟ އެވެ. އެ ސުވާލުކޮށް ނުނިމެނީސް ރައީސް ވިދާޅުވީ އެ ބިލު ބޭރު ކުރާނެ ކަމަށެވެ. ބަލައެއް ނުގަންނާނެ ކަމަށެވެ.
އެމްޖޭއޭގެ އެކްސްކޯ މެންބަރު އަދި 'ދައުރު'ގެ ސީނިއާ ނޫސްވެރިޔާ މުޒައްޔިން ނާޒިމް ރައީސް މުއިއްޒުއާ މިރޭ ސުވާލުކުރުމުން ވިދާޅުވީ، އަމިއްލަ މެންބަރަކު މަޖިލީހަށް މިހާރު ވައްދާފައިވާ "މީޑިއާ ކޮންޓްރޯލް ބިލް" ބަލައިގަންނަން ޕީއެންސީގެ ޕާލިމަންޓްރީ ގްރޫޕުން ވޯޓް ނުދޭނެ ކަމަށާއި އެ… pic.twitter.com/45XfFyZDAf
— Maldives Journalists Association (@mjamaldives) November 17, 2024
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް