ރޯދައަށް ކެފޭތަކާއި ފިހާރަތައް ބަންދު ކުރާ ގަޑި އިތުރުކޮށްފި

މިރެއިން ފެށިގެން ހަ ރޯދައިގެ ނިޔަލަށް ކެފޭ އަދި ފިހާރަތައް ބަންދު ކުރާ ގަޑި އިތުރު ކޮށްފި އެވެ.

އިކޮނޮމިކް މިނިސްޓްރީން މިއަދު ކުރި އިއުލާނެއްގައި ބުނެފައިވަނީ މިއަދުން ފެށިގެން ކެފޭ އާއި ސައި ހޮޓާތަށް ދަންވަރު 1:00 އަށް ހުޅުވާފައި ބެހެއްޓޭނެ ކަމަށެވެ. އަދި ރޯދަ މަހު ފުރަތަމަ ދުވަހުން ފެށިގެން ހަރޯދަ ނިމެންދެން މެންދަމު 3:00 އަށް އެތަންތަން ހުޅުވާފައި ބެހެއްޓޭނެ ކަމަށެވެ.

މީގެ އިތުރުން އިކޮނޮމިކް މިނސްޓްރީން ވަނީ މިރެއިން ފެށިގެން ފިހާރަތައް 11:00 އަށް ހުޅުވާފައި ބެހެއްޓުމުގެ ހުއްދަ ދީފައި އެވެ.

ފިހާރަ އާއި ކެފޭ/ރެސްޓޯރަންޓްތައް ބަންދުކުރާ ގަޑި އާންމުކޮށް އިތުރުކުރަނީ ރޯދަމަހުގެ ފުރަތަމަ ދުވަހުން ފެށިގެން ކަމަށް ވިޔަސް ސަރުކާރުން މި އަހަރު ހަމަޖެއްސި ގޮތުން ހަފުތާއެއްހާ ދުވަސް ކުރިން އެއަށް އަމަލުކުރަން ޖެހެ އެވެ.