ސަރުކާރަށް ތިން އަހަރު ފުރުމާ ގުޅިގެން ބޭއްވި ރަސްމިއްޔާތެއްގައި ރައީސް ޑރ. މުހައްމަދު މުއިއްޒު، ފާއިތުވި 156 ހަފުތާގައި ސަރުކާރުގެ އެކި ދާއިރާތަކުން ހިންގި މަޝްރޫއުތަކާއި ހާސިލުކުރި ކަންކަމުގެ ތަފްސީލު ހިމެނޭ ހާއްސަ ފޮތެއް މިރޭ ނެރެދެއްވައިފިއެވެ.
އެ ރަސްމިއްޔާތުގައި ރައީސް ވިދާޅުވީ ކުރީގެ ދެ އަހަރެކޭ ހިލާފަށް، މި ތިން ވަނަ އަހަރު ސަރުކާރުން ހިންގި މަސައްކަތްތައް ރައްޔިތުންނަށް ފަސޭހައިން ފެންނާނެ އިންތިޒާމް ހަމަޖައްސަވާފައިވާ ކަމަށެވެ. އެ ގޮތުން އަމިއްލަ ފޯނަށް ޑައުންލޯޑުކޮށްގެންނާއި ވެބްސައިޓް މެދުވެރިކޮށް ޑިޖިޓަލްކޮށް އެ ފޮތް ކިޔައިލެވޭނެ ކަމަށް ވެސް އެމަނިކުފާނު ވިދާޅުވިއެވެ.
މިރެއިން ފެށިގެން ރައީސުލްޖުމްހޫރިއްޔާގެ އޮފީހުގެ ރަސްމީ ވެބްސައިޓުން ކޮންމެ ފަރާތަކަށް ވެސް ހިލޭ އެ ފޮތް ޑައުންލޯޑުކުރެވޭނެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް