ލ. އަތޮޅުގައި މަސައްކަތްކުރާ ބަންގުލަދޭޝް ރައްޔިތުންގެ ލިޔެކިޔުންތައް ފުރިހަމަކޮށްދިނުމަށް ޓަކައި މި މަހުގެ 19 އިން 21 އަށް ލ. މާންދޫގައި ކޮންސިއުލާ ކޭމްޕެއް ބޭއްވުމަށް ހަމަޖައްސައިފިއެވެ.
ހޮރައިޒަން ފީޝަރީޒް އާއި ގަމު ކައުންސިލާއި ފޮނަދޫ ކައުންސިލް އަދި ބަންގުލަދޭޝް ހައިކޮމިޝަން ގުޅިގެން ރާވާ މި ކޭމްޕުގެ ބޭނުމަކީ އެ އަތޮޅުގައި ދިރިއުޅޭ ބަންގުލަދޭޝް މަސައްކަތްތެރިންނަކީ ގާނޫނީ ގޮތުން ހުރިހާ ލިޔެކިޔުމެއް ހަމަވެފައިވާ ބައެއް ކަމުގައި ހެދުމެވެ.

މި ހިދުމަތް ހޯދުމަށް ކޮންމެ ފަހަރަކު މާލެ ދާން ޖެހުމުން ކުރިމަތިވާ ހަރަދާއި ބުރައަށް ލުޔެއް ހޯދައިދިނުމަކީ ވެސް މި ކޭމްޕުގެ މުހިންމު އެއް މަގުސަދެވެ. ތިން ދުވަހުގެ މި ކޭމްޕުގައި ޕާސްޕޯޓާއި ކާޑު ހެއްދުމުގެ އިތުރުން ބަންގުލަދޭޝް ހައިކޮމިޝަން މެދުވެރިކޮށް ފޯރުކޮށްދޭ އެ ނޫން ވެސް ހިދުމަތްތައް ލިބޭނެއެވެ.
މި ކޭމްޕުގެ ސަބަބުން ލ. އަތޮޅުގައި ތަފާތު މަސައްކަތްތައް ހިންގާ ފަރާތްތަކަށް ވެސް ފައިދާ ކުރާނެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް