ކެލިފޯނިއާގެ ޑޮކްޓަރެއް ކަމުގައިވާ ސަލްވަޑޯ ޕްލަސެންސިއާ "ފްރެންޑްސް" ސިޓްކޮމްގެ ތަރި މެތިއު ޕެރީއަށް ޤާނޫނާ ޚިލާފަށް ކެޓަމައިން ދިނުމުގެ ކުށަށް އިޢުތިރާފުވެއްޖެއެވެ. ޕެރީ އޮކްޓޯބަރު 2023 ގައި މަރުވެފައިވަނީ މި ޑްރަގުގެ އަސަރުތަކާއި އެހެނިހެން ސަބަބުތަކަކުން ކަމަށާއި، މީގެ ތެރޭގައި އޭނާގެ ހޮޓް ޓަބްގައި ގެނބުން ހިމެނެއެވެ.
މަލިބޫގައި ކްލިނިކެއް ހިންގަމުން އައި ޕްލަސެންސިއާ އަށް ޞައްޙަ ސިއްހީ ސަބަބެއް ނެތި ޕެރީއަށް ކެޓަމައިން ދިނުމުގެ ސަބަބުން ގިނަވެގެން 40 އަހަރުގެ ޖަލު ޙުކުމެއް ކުރިމަތިވެދާނެއެވެ. އޭނާ ވަނީ ޕެރީއަށް އެތައް ފަހަރެއްގެ މަތިން ކެޓަމައިން އިންޖެކްޓް ކުރިކަމަށް އިޢުތިރާފުވެފައެވެ. މީގެ ތެރޭގައި ޕެރީގެ ގޭގައާއި ޕާކިންގ ލޮޓެއްގައި އިންޖެކްޓް ކުރުން ހިމެނެއެވެ. މިކަމަށް އޭނާއަށް އެތައް ހާސް ޑޮލަރު ލިބިފައިވެއެވެ. އޭނާ ކެޓަމައިން ހޯދާފައިވަނީ އެހެން ޑޮކްޓަރެއް ކަމުގައިވާ މާކް ޗަވެޒް ގެ އަތުންނެވެ. ޕްލަސެންސިއާ ވަނީ ޕެރީއާ ބެހޭގޮތުން މަލާމާތްކޮށް ޗަވެޒްއަށް މެސެޖް ވެސް ކޮށްފައެވެ.
މި މައްސަލައިގައި އިތުރު ހަތަރު މީހަކަށް ދަޢުވާ އުފުލާފައިވެއެވެ. މީގެ ތެރެއިން ތިން މީހަކު ވަނީ ކުށަށް އިޢުތިރާފުވެފައެވެ. ފަސްވަނަ މީހާ ކަމުގައިވާ ޖަސްވީން ސަންގާ، "ކެޓަމައިން ކުއީން" ގެ ނަމުން މަޝްހޫރު މި މީހާއަށް ޕެރީ މަރުވުމަށް މެދުވެރިވި ޑޯޒް ދިނުމުގެ ދަޢުވާ އުފުލާފައިވެއެވެ. އޭނާގެ ޝަރީޢަތް އޮގަސްޓް މަހު ބޭއްވުމަށް ވަނީ ހަމަޖެހިފައެވެ.
ޕެރީ ވަނީ އޭނާގެ ދިގު މުއްދަތުގެ ޑްރަގު ވަބާއާ ބެހޭގޮތުން ހާމަކަމާއެކު ވާހަކަ ދައްކާފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް