އއ. މާޅޮހު ބަނދަރު މަޝްރޫއުގެ ބޮޑު ބައި ނިމިއްޖެ

އއ. މާޅޮސް ބަނދަރު ތަރައްޤީ ކުރުމުގެ މަޝްރޫޢުގެ ބޮޑުބައި ނިންމައިފި އެވެ.

އެ މަޝްރޫއުގެ ކޮންޓްރެކްޓަރަކީ އެމްޓީސީސީއެވެ.

އެމްޓީސީސީން ބުނީ މި މަޝްރޫއުގެ ދަށުން އެއްގަމުތޮށީގެ ކޮންކްރީޓް މަސައްކަތްތަކުގެ 78 ޕަސެންޓު ނިމިފައިވާ ކަމަސެވެ. ގްރޮއިން ޖެހުމުގެ މަސައްކަތުގެ 50 ޕަސެންޓް ވެސް މިހާރު ނިންމާލެވިފައިވާ ކަމަށެވެ.

މި މަޝްރޫޢުގެ ދަށުން، 24،335 ކިއުބިކް މީޓަރު ކޮނުމަށް ހަމަޖެހިފައިވެ އެވެ. އަދި 394 މީޓަރުގެ ސަރަޙައްދެއްގައި އެއްގަމުތޮށި ލުމާއި، 407 މީޓަރުގެ ސަރަޙައްދެއްގައި ބޭރުތޮށިލުން ހިމެނެ އެވެ.

މަޝްރޫއު ނިމޭއިރު 56 މީޓަރުގައި ގްރޮއިންސް ޖެހުމާއި، 100 މީޓަރުގެ ރިވެޓްމެންޓް ޖެހުންވެސް ހިމެނެ އެވެ. މީގެ އިތުރުން 1970 އަކަ މީޓަރުގެ ސަރަޙައްދެއްގައި ޕޭވްމަންޓް ހެދުމާއި، ބަނދަރު ސަރަޙައްދުގައި ބައްތި ހަރުކުރުމުގެ މަސައްކަތް ކުރާނެ އެވެ.

މި މަޝްރޫޢުއަކީ 56.9 މިލިއަން ރުފިޔާގެ މަޝްރޫޢުއެކެވެ.