ތިނަދޫގައި ކޯވިޑް ޖެހިގެން ހަތަރު ވަނަ މީހަކު މަރުވެއްޖެ

ގދ. ތިނަދޫއިން ކޯވިޑް-19 ޖެހިގެން އިތުރު މީހަކު މަރުވެއްޖެ އެވެ.

އެ ރަށުގައި ހުންނަ ޑރ. އަބްދުއް ސަމަދު މެމޯރިއަލް ހޮސްޕިޓަލުން ބުނީ މަރުވެފައިވަނީ އުމުރުން 89 އަހަރުގެ ދިވެހި ފިރިހެނެއް ކަމަށެވެ.

އެމީހަ މަރުވީ މިއަދު ހަވީރު 4:52 ހާއިރު އެވެ.

މަރުވިއިރު އެމީހާއަށް ފަރުވަ ދެމުންދިޔައީ ތިނަދޫ ކޯވިޑް މެނޭޖްމެންޓު ފެސިލިޓީގައި އެވެ.

މިއީ އެ ރަށު ފެސިލިޓީގައި ފަރުވާ ދެނިކޮށް މަރުވި ހަތަރު ވަނަ މީހާ އެވެ. އަދި ރާއްޖެއިން ކޯވިޑްގައި މަރުވި 228 ވަނަ މީހާ އެވެ.