އުމުރުން 10 އަހަރާއި 13 އަހަރުގެ ދެ ކުދިން ލައްވާ ހަށި ވިއްކުވި މެލޭޝިޔަ މަންމައަކު 150 އަހަރަށް ޖަލަށް ލުމަށް ހުކުމް ކޮށްފި އެވެ.
ފޮޓޯގައި އެވާ އަންހެންމީހާގެ މައްޗަށް މި ހުކުމް ކޮށްފައިވަނީ މި މަހުގެ 1 ވަނަ ދުވަހު އަދި ހަތަރުވަނަ ދުވަހުން ފެށިގެން ޖެހިޖެހިގެން ހަތަރު ދުވަހު އެ ދެކުދިން ލައްވާ ހަށި ވިއްކުވިކަން ސާބިތު ވުމުންނެވެ.
މި އަންހެން މީހާ އޭނާގެ ދެ ދަރިން ލައްވާ ހަށި ވިއްކުވާފައިވަނީ ބަންގްލަދޭޝްގެ ދެމީހަކަށެވެ. ދުވާލަކަށް 16 ޑޮލަރުގެ މަގުންނެވެ.
މި އަންހެންމީހާގެ އުމުރުން ތިން އަހަރާއި ފަސް އަހަރުގެ އިތުރު ދެ ކުޑަކުދިން ގޭގައި ތިބިކަމަށްބުނެ ޖަލު ހުކުމް ޖޫރިމަނާއަކަށް ބަދަލުކޮށްދޭން މި އަންހެންމީހާ އެދުނެވެ. އެހެންނަމަވެސް ކޯޓުން ނިންމީ އޭނާގެ ކުދިންތައް ދައުލަތުގެ ބެލުމުގެ ދަށަށް ގެންދިއުމަށެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް