ލާމު ލައިވް ގެ ނަމުގައި ދުވަސް ނޫހުގެ ލާމު އެޑިޝަން މިހާރު ވަނީ ލޯންޗުކޮށްފައެވެ.
މިދިޔަ ހަފްތާގައި ލޯންޗުކުރި މި ވެބްސައިޓަކީ ލާމު އަތޮޅުގެ ޚަބަރާއި މަޢުލޫމާތަށް ހާއްސަ ވެބްސައިޓެކެވެ. މި ވެބްސައިޓް މެދުވެރިކޮށް ލާމުގެ ޚަބަރުތައް އެންމެ ތާޒާކަންމަތީ އެންމެ އަވަހަށް ކިޔުންތެރިންނަށް ހިއްސާކުރަމުންދާނެއެވެ.
މި ނޫސް ހިންގަނީ ދުވަސްގެ ޓީމުންނެވެ. ދުވަސްގެ ބެލުމުގެ ދަށުން ހިންގާ މި ނޫހުގެ ލާމު އެޑިޝަންގައި ލާމު އަތޮޅުގެ ގުދުރަތީ ހިތްގައިމަކާއި، އަތޮޅުގެ ތާރީޚާއި ސަގާވަތް އަދި މީހުންނާ ގުޅޭ ޝައުގުވެރި އެތައް މަޢުލޫމާތެއް ހިއްސާކުރެވޭނެ ކަމަށް ދުވަސްގެ އޮފިޝަލަކު ވިދާޅުވިއެވެ.
ލާމު އެޑިޝަންގެ އިތުރުން ދުވަސްގެ އިނގިރޭސި އެޑިޝަންއެއް ވެސް ވަނީ މީގެ ކުރިން ލޯންޗުކޮށްފައެވެ.
މި އެޑިޝަންއަކީ އިނގިރޭސި ބަހުން ރާއްޖެ އާއި ރާއްޖޭން ބޭރުގެ ކަބަރުތައް ގެނެސްދިނުމަށް ހާއްސަ މަންސައެކެވެ.
ދުވަސް ނޫހަކީ ސޯޝަލް މީޑިޔާގައި ގިނަ ބަޔަކު ފޮލޯކުރާ ރާއްޖޭގައި މަގުބޫލު އެއް އޮންލައިން ނޫހެވެ. މި ނޫހަށް މިހާރު ވަނީ 7 އަހަރު ފުރިފައެވެ،
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް