ޔޫއޭއީގެ ފުޖައިރާގެ ވަލީ އަހުދު ޝައިހް މުހައްމަދު ބިން ހަމަދު އަލް ޝަރްގީ، ރާއްޖެއާއި ކޮރެއާ އަދި ޖަޕާނުން ޔޫއޭއީއަށް ކަނޑައަޅާފައިވާ ޑިޕްލޮމެޓުންނާ ވަކިވަކީން ބައްދަލުކުރައްވައިފިއެވެ.
އެމީރީ ކޯޓުގެ އޮފީހުގައި އިއްޔެ ބޭއްވި މި ބައްދަލުވުންތަކުގައި ޔޫއޭއީއަށް ރާއްޖެއިން ކަނޑައަޅާފައިވާ ސަފީރު ތާރިގް އިބްރާހީމާއި، ކޮރެއާގެ ސަފީރު ލީ ވޮން އިކް އާއި، ދުބާއީ އަދި އުތުރު އެމިރޭޓްސްތަކަށް ޖަޕާނުން ކަނޑައަޅާފައިވާ ކޮންސުލް ޖެނެރަލް ޓަކާޝީ މަނާބޭ ބައިވެރިވެފައިވެއެވެ.
Advertisement
ވަލީ އަހުދު ވަނީ ޒިޔާރަތްކުރެއްވި ޑިޕްލޮމެޓުންނަށް މަރުހަބާ ދަންނަވައި، އެ ބޭފުޅުންގެ މަސައްކަތްޕުޅުގައި ކާމިޔާބީއަށް އެދިވަޑައިގެންފައެވެ. މި ބައްދަލުވުންތަކުގައި ދެ ފަރާތުން ގުޅިގެން ޝައުގުވެރިވާ ދާއިރާތަކާ ގުޅޭ ގޮތުން މަޝްވަރާ ކޮށް، އެކި ރޮނގުތަކުން ގުޅުން ބަދަހިކުރެވޭނެ ގޮތްތަކާ ބެހޭ ގޮތުން ވާހަކަ ދައްކާފައިވެއެވެ.
ޑިޕްލޮމެޓުން ވަނީ ލިބުނު ހޫނު މެހެމާންދާރީއަށް ޝުކުރު އަދާކޮށް، ފުޖައިރާގެ ތަފާތު ދާއިރާތަކުން ހޯދާފައިވާ ކުރިއެރުންތަކަށް ތައުރީފުކޮށްފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް