އީޔޫއަށް އެންމެގިނައިން ޑީސަލް އެކްސްޕޯޓް ކުރި ގައުމަކަށް އިންޑިއާ ވެއްޖެ

އިންޑިއާއަށް ރަޝިއާގެ ތެޔޮ އިމްޕޯޓް ކުރާ މިންވަރު އިތުރުވުމާއެކު އިންޑިއާއިން އީޔޫއަށް ޑީސަލް އެކްސްޕޯޓް ކުރި މިންވަރު ވަރަށް ބޮޑަށް މައްޗަށް ގޮސްފިއެވެ.

ޔޫރަޕިއަން ޔޫނިއަން (އީޔޫ) އިން މިދިޔަ ސެޕްޓެމްބަރު މަހު ނެރުނު ތަފާސްހިސާބުތަކުން ދައްކާ ގޮތުގައި އިންޑިއާގެ ޑީސަލް ގަންނަ މިންވަރު ވަރަށް ބޮޑަށް އިތުރުކޮށް، އެންމެ މަތީ ދަރަޖައަށް ގޮސްފައި ކަމަށް ވޯޓެކްސާ، ކޭޕީއެލް އަދި އެލްއެސްއީޖީގެ ޝިޕް ޓްރެކިން ޑޭޓާއިން ވަނީ ދައްކައިފަ އެވެ.

އެ މުއްދަތުގެ ތެރޭގައި އިންޑިއާއިން އީޔޫއަށް ޑީސަލް ޑެލިވަރީކޮށްފައިވަނީ ދުވާލެއްގެ މައްޗަށް 280،000 އާއި 303،000 ފީފާ (ބީޕީޑީ) އާ ދެމެދުގެ އަދަދަކަށެވެ.

ވިޔަފާރީގެ މި ކުރިއެރުމަކީ ހުޅަނގުގެ ގައުމުތަކަށް ދަތުރުކުރާ އިންޑިއާ ދަރިކޮޅުގެ ކާގޯތަކަށް ހުޅުވިގެން ދިޔަ އާބިޓްރޭޖެއް ކަމަށް ވާއިރު، ރަޝިއާއިން އެކްސްޕޯޓް ކުރުން މަނާކުރުމުގެ ސަބަބުން ތުރުކީއަށް ރަޝިއާގެ ޑީސަލް ފީފާ ގެއްލޭނެ ކަމަށް ވިޔަފާރިވެރިން ބުނަމުން ދިޔަ އެވެ.

މިދިޔަ އޮކްޓޫބަރު މަހު އިންޑިއާއިން އީޔޫއަށް ޑީސަލް އެކްސްޕޯޓްކުރި މިންވަރު ދަށްވެފައިވާއިރު، ތަޖުރިބާކާރުން ބުނަނީ މިއީ ދިވާލީ ފެސްޓިވަލް ސީޒަންގައި ރިފައިނަރީ ޓްރާންއައުންޑްސް އާއި ލޯކަލް ޑިމާންޑް ބޮޑުވުން ކަމަށެވެ.

އިންޑިއާގެ ޑީސަލްގެ ބޮޑު ބައެއް ލިބެނީ ރަޝިއާގެ ތެލުން ކަމަށާއި، މިދިޔަ ސެޕްޓެމްބަރު މަހު އިންޑިއާގެ ރިފައިނަރީތަކުން އިމްޕޯޓް ކުރި މިންވަރު ވަނީ 80 ޕަސެންޓް އިތުރުވެފަ އެވެ.