އިންޑިއާ އާއި ޖީ-20: ދުނިޔޭގެ ބައިބައިވުންތައް ނައްތާލުން

ދިއްލީ ޖީ-20 ސަމިޓް އާދީއްތަ ދުވަހު ކާމިޔާބުކަމާއެކު ނިންމާލައިފިއެވެ. ދެ ދުވަހުގެ މުއްދަތަށް ކުރިއަށް ގެންދިޔަ މި ސަމިޓަށް "އެއްބައިވަންތަކަމުގެ މެސެޖް" ފޯރުކޮށްދިނުމުގެ ގޮތުންނާއި އެ ސަމިޓަކީ "ހަގީގަތުގައި ވެސް މާނަހުރި ކާމިޔާބީއެއް" ގެ ގޮތުގައި ސިފަކޮށް، ހުނަރުވެރިކަމާއި ހަރުދަނާކަމާއެކު ޝަރީއަތް ކުރިއަށް ގެންދިއުމުން އިންޑިއާއަށް ވަނީ ގިނަބައެއްގެ ތައުރީފް ލިބިފައެވެ. އެހެންކަމުން، ބަލިމަޑުކަމަށްފަހު އަލުން އަރައިގަތުމަށް މަސައްކަތް ކުރަމުންދާ ދުނިޔޭގެ އިޤްތިޞާދީ ހީނަރުކަމުގެ ތެރޭގައި، ވަރަށް ބޮޑަށް ބައިބައިވެފައިވާ ޖީ-20ގެ ރިޔާސަތު އިންޑިއާއިން ބަލަހައްޓަމުންދާކަމީ ދޮގެއް ނޫނެވެ.

އެމެރިކާ އާއި ޗައިނާގެ ސްޓްރެޓެޖިކް ވާދަވެރިކަމާއި، ކޮވިޑް-19 ގެ ބަލިމަޑުކަމާއި، މޫސުމަށް އަންނަ ބަދަލުތަކުގެ ސަބަބުން ކުރިމަތިވި ކާރިސާތައް ފޫނުބެއްދޭ ފަދައިން، ޔޫކްރެއިންއާ ދެކޮޅަށް ރަޝިޔާއިން ކުރަމުންދާ ހަނގުރާމައިގެ ސަބަބުން އިންފްލޭޝަން މައްޗަށް ދިއުމާއި އެކު ކާބޯތަކެއްޗާއި ހަކަތައިގެ ކްރައިސިސް އެއް ވަނީ އުފެދިފައެވެ. ދުނިޔޭގެ މި ޝޮކްތަކުގެ ސަބަބުން ދުނިޔޭގެ ދެކުނުގެ ޤައުމުތަކަށް ވަރަށް ބޮޑަށް އަސަރުކުރަމުންދާއިރު، އޭގެ ތެރޭގައި އޭޝިއާ، އެފްރިކާ އަދި ލެޓިން އެމެރިކާގެ ޤައުމުތައް ވެސް ހިމެނެއެވެ.

ތަރައްޤީވަމުން އަންނަ ޤައުމުތަކަށް މިހާރު ދިމާވެފައިވާދަތި ތަކަކީ ކާބޯތަކެތީގެ ދަތިކަމާއި، ދަރަނީގެ ދަތިކަމާއި، ހަމަހަމަކަމާއި ފަޤީރުކަމުގެ މައްސަލަތަކުގެ ނުރައްކަލެވެ. އިންޑިއާގެ ބޮޑުވަޒީރު ނަރެންދުރަ މޯދީ ވިދާޅުވި ފަދައިން ، "ދުނިޔޭގެ ގިނަ ގޮންޖެހުންތައް އުފެދިފައި ވަނީ ގްލޯބަލް ސައުތު އިން ނޫން ކަމަށާއި ނަމަވެސް އޭގެ އަސަރު އަޅުގަނޑުމެންނަށް މާ ބޮޑަށް ކުރާ" ކަމަށެވެ. ހަގީގަތުގައި 2022 ވަނަ އަހަރު 50 އަށް ވުރެ ގިނަ ގައުމުތަކުން އިންޓަނޭޝަނަލް މަނިޓަރީ ފަންޑަށް މާލީ އެހީތެރިކަން ފޯރުކޮށްދިނެވެ.

މިގޮތުން އިންޑިޔާގެ އަމާޒަކީ ގްލޯބަލް ސައުތުގެ ކަންބޮޑުވުންތައް ނައްތާލާ، ޖީ-20ގެ ރައީސްކަމުގެ ދައުރުގައި އެ ޤައުމުގެ އަޑު ފުޅާކުރުމެވެ. ހަގީގަތުގައި އިންޑިއާއަކީ ގްލޯބަލް ސައުތުގެ ލީޑަޝިޕްގައި އިސްކޮށް ހަރަކާތްތެރިވާ ދިގު ތާރީހެއް އޮތް ގައުމެކެވެ. މިނިވަންކަން ލިބުމަށްފަހުގެ އިންޑިޔާއިން ނޮން-އެލައިންމަންޓް މޫވްމަންޓްގެ އިސްނެންގެވީ، ތިންވަނަ ދުނިޔޭގެ އެއްބައިވަންތަކަމުގެ ޗެމްޕިއަނުންގެ ގޮތުގައި،ތަރައްޤީވަމުން އަންނަ ޤައުމުތަކަށް އިތުރު ފުރުޞަތުތަކެއް ހޯދައިދިނުމަށެވެ.

ޖީ-20 ގެ ލީޑަޝިޕާ ހަވާލުވިތާ މަހެއްހާ ދުވަސް ފަހުން، 12-13 ޖެނުއަރީ 2023 ގައި، އިންޑިއާއިން ވަނީ ދުނިޔޭގެ ދެކުނުގެ 120 ގައުމެއް އެއްތަނަކަށް އެއްކޮށް ވާޗުއަލް ސަމިޓެއް ބާއްވައިފަ އެވެ.

މި ސަމިޓުގެ ސަބަބުން އިންޑިއާގެ ރިޔާސަތުގައި ޖީ-20 ގެ މެމްބަރު ގައުމުތަކުން ބޭރުގެ ގައުމުތަކަށް ވެސް ހިއްސާ އޮންނަ ކަމަށާއި، ފޯރަމްގެ ދަފްތަރުގައި ހިމެނޭ މައުޟޫއުތަކަކީ ހުރިހާ ގައުމަކާ ގުޅުން ހުރި މައުޟޫއުތަކަކަށް ވާތީ، އެ ގައުމުތަކުގެ އިންޕުޓްތަކުގެ އަގު ވަޒަންކުރާ ކަމުގެ މެސެޖެއް މި ސަމިޓުން ވަނީ ދީފަ އެވެ.

އެހެންނަމަވެސް، ގްލޯބަލް ސައުތުގެ ޖޮއިންޓް ކޯޒްތައް އިތުރަށް ހަރުދަނާކުރާއިރު، އިންޑިޔާއިންވެސް، ގްލޯބަލް ނޯތު އޮތްކަން ޔަގީން ކުރަންން ޖެހެއެވެ.

ދުނިޔޭގެ އުތުރާއި ދެކުނުގެ ޤައުމުތަކަށް ފެތުރިފައިވާ ބައިނަލްއަޤްވާމީ އެހެން ފޯރަމްތަކާ އަޅާބަލާއިރު، ޖީ-20ގެ އެންމެ ބޮޑު ބާރަކީ ޑައިވަރސިޓީއެވެ. އެހެންނަމަވެސް، ދުނިޔޭގެ އުތުރާއި ދެކުނުގެ ޤައުމުތަކުން، ތަރައްޤީގެ ހަމަހަމަ މިންވަރާއި، ތާރީޚީ ތަރިކަތަކުގެ ސަބަބުން، ސިޔާސަތުގެ މުހިންމު ގިނަ ދާއިރާތަކަށް އަބަދުވެސް ލޮލުގައި އަޅައިނުގަނެވޭތީ، މި ބާރަކީ ގިނަ ފަހަރަށް ޒިންމާއަކަށް ވެގެން ދެއެވެ.

މޫސުމާއި ހަކަތައާ ގުޅުންހުރި ބަހުސްތަކުގައި، ތަފާތު މަސްއޫލިއްޔަތާއި ފަންޑިންއާ މެދު ހުރި ކަންބޮޑުވުންތަކުގެ ސަބަބުން އުތުރާއި ދެކުނުގެ ބައިބައިވުން ވަނީ ވަރަށް ބޮޑަށް އުފެދިފަ އެވެ. ޑިޖިޓަލައިޒޭޝަންގެ މައްސަލަތަކުގައި، ކުރިއަރާފައިވާ އަދި ކުރިއަރަމުން އަންނަ ދުނިޔޭގެ މެދުގައި އޮތް ފަރަގު ދަނީ ބޮޑުވަމުންނެވެ. ރަޝިއާ-ޔޫކްރެއިންގެ މައްސަލައާ ގުޅިގެން ވެސް ޖީ-7 ގެ ބައެއް ގައުމުތަކުން ޖީ-20 އިން ރަޝިއާ ބޭރުކުރަން ޝައުގުވެރިވާ އިރު، ގްލޯބަލް ސައުތުގެ ގައުމުތަކުން ވަނީ އެ ގައުމާ ގުޅުން ދަމަހައްޓައިފަ އެވެ.

މި ތަފާތުތަކުގެ ސަބަބުން ޖީ-20ގައި އެއްބަސްވުމަކަށް އައުމަށް ދަތިތަކެއް ކުރިމަތިވެ، ގިނަ ފަހަރަށް އެންމެން ގުޅިގެން މަސައްކަތް ކުރުމަށް ހުރަސް އެޅުމުގެ އިތުރުން ގިނަ ކަންކަމުގައި ހަމަނުޖެހުން އުފެދެއެވެ. އެހެންވީމާ، ޖީ-20 ހަރުދަނާގޮތެއްގައި ދެމެހެއްޓުމަށްޓަކައި، އެއްބަސްވުމަކަށް އައުމާއި، މި ދެ ޤައުމުގެ މެދުގައި ހަމަހަމަކަން ޤާއިމުކުރުމަކީ ކޮންމެހެން ކުރަންޖެހޭ ކަމެކެވެ.

ޖީ-20 ގެ ގައުމުތައް ގުޅިގެން އެއްބައިވަންތަ ހައްލުތަކެއް ހޯދުމަށް މަސައްކަތް ކުރަން ޖެހެ އެވެ. ގްލޯބަލް ސައުތުއަށް މާބޮޑަށް ސަމާލުކަން ދިނުމަކީ، މިހާރުވެސް ނުތަނަވަސްވެފައިވާ ފޯރަމަކަށް އިތުރަށް ބައިބައިވުން އުފެދުމުގެ ނުރައްކަލެކެވެ.  ޚާއްޞަކޮށް، ގްލޯބަލް ސައުތުގެ މައްސަލަތަކަށް ޙައްލު ހޯދުމަށް ގްލޯބަލް ނޯތުއާ ގުޅިގެން މަސައްކަތް ކުރަން ޖެހިފައިވާ ދަނޑިވަޅެކެވެ. މިސާލަކަށް ތަރައްގީވަމުން އަންނަ ގައުމުތަކުގެ މޫސުމާއި ހަކަތަ އިގެ ޓްރާންސިޝަންތަކަށް ތަރައްގީވެފައިވާ ގައުމުތަކުން ޓެކްނޮލޮޖީ އާއި ކެޕިޓަލް ޓްރާންސްފާ ކުރަން ޖެހެ އެވެ.

މިގޮތުން، ގްލޯބަލް ނޯތު އާއި ގްލޯބަލް ސައުތުއާ ދެމެދު "ބްރިޖެއް"ގެ ގޮތުގައި އިންޑިޔާއަށް މަސައްކަތް ކުރެވިދާނެއެވެ.