ވޭތުވެދިޔަ 29 އަހަރު ދުވަހުގެ ތެރޭގައި ޗެލްސީން އެންމެ ދަށްކޮށް ލީގެއް ފަށާފައިވަނީ މި ސީޒަންގައެވެ. ރޭ އިނގެރޭސި ޕްރިމިއަރ ލީގުގައި އެވަރޓަންއާއި ދެކޮޅަށް ކުޅުނު މެޗުން 3-1 ގެ ނަތީޖާއަކުން ބަލިވުމަށްފަހު ޗެލްސީގެ ކޯޗު މޮރީނިއޯ ބުނެފައިވަނީ މިއީ މޮރީނިއޯގެ ފެންވަރު ނޫންކަމަށާއި މޮރީނިއޯއަކީ ޗެމްޕިއަނެއް ކަމަށެވެ.
" އަހަންނަކީ ޗެލްސީއަށް އެންމެ އެކަށީގެންވާ ރަނގަޅު ކޯޗު، ޗެލްސީން މި ސީޒަންގައި ނެރެމުންދާ ނަތީޖާތަކަކީ މިހާތަނަށް އަހަރެން ކެރިއަރގައި ފެނުނު އެންމެ ދަށް ނަތީޖާތަށް" މޮރީނިއޯ ބުންޏެވެ.
ޗެލްސީން ސީޒަންގައި ކުޅުނު 5 މެޗުން ލިބިފައިވަނީ 4 ޕޮއިންޓެވެ. ތާވަލުގެ 16 ވަނައިގައި އޮތް ޗެލްސީ ކޮޅަށް މިހާތަނަށް ސީޒަންގައި 12 ގޯލް ވަދެފައިވެއެވެ.
ރޭގެ މެޗަށްފަހު ޗެލްސީގެ ސަޕޯޓަރުންނަށް މޮރީނިއޯ ބުނެފައިވަނީ އެނބުރި ފޯމަށް އާދެވޭނެ ކަމަށާއި ރެލިގޭޓް ނުވާނެކަމަށެވެ. ނަމަވެސް ލީގުގެ ފުރަތަމަ 5 މެޗުގެ ތެރެއިން 3 މެޗުން ބަލިވުމާއެކު ލީގު ދިފާއު ކުރުމަށް ހުރަހަކަށް ވެފައިވާކަމަށް މޮރީނިއޯވަނީ ބުނެފައެވެ.
ރޭގެ މެޗުގައި އެވަރޓަންގެ 3 ގޯލްވެސް ކާމިޔާބުކޮށްދީފައިވަނީ ނޭސްމިތެވެ. މޮޅާއެކު އެވަރޓަންއޮތީ އިނގެރޭސި ލީގު ތާވަލުގެ 5 ވަނައިގައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް