ދެކުނަށް މިއަދު އުދަ އަރާފާނެ: މެޓް

ތ. އަތޮޅުން ފެށިގެން އައްޑޫ ސިޓީއާއި ދެމެދުގެ ރަށްތަކަށް މިއަދު އުދަ އަރާނެކަމަށް މޫސުމާއިބެހޭ ގައުމީ އިދާރާއިން ލަފާކޮށްފިއެވެ.

މޯލްޑިވްސް މީޓިއޮރޮލޮޖިކަލް ސެންޓަރ (މެޓް) އިން މިކަމާއި ގުޅިގެން ވަނީ ހުދު ސަމާލެއް ނެރެފައެވެ.

ހުދު ސަމާލު ނެރެފައިވަނީ ތ. އަތޮޅުން ފެށިގެން އައްޑޫ ސިޓީއާއި ދެމެދުގެ ރަށްތަކަށެވެ. މި ސަމާލު އެފެކްޓިވް ވާނީ މިއަދު މެންދުރުން އަނބުރާ 12:45 އިން ފެށިގެން ހަވީރު 4:30 އާއި ދެމެދުގެ ވަގުތަށް ކަމަށް ބުނެފަިއިވެއެވެ.

އުދަ އަރާފާނެކަމަށް ހުދު ސަމާލެއް ނެރެފައިވާއިރު މިއަދު ރާޅުގެ އުސްމިން ހުންނާނެކަމަށް މެޓުން ކުރިން ލަފާކޮށްފައިވަނީ ދެ ފޫޓާއި ހަތަރު ފޫޓާއި ދެމެދުގެ އުސްމިނެއްގައެވެ.