އަފްގާނިސްތާނުގައި ހުންނަ އެމެރިކާގެ އަސްކަރީ މަރުކަޒަކަށް އަމާޒުކޮށް ކާރެއްގައި ގޮސް މީހަކުދިން ޖާނުން ފިދާވުމުގެ ހަމަލާއެއްގައި 17 މީހަކު މަރުވެއްޖެއެވެ.
ކާރުގައި ދިޔަ މީހާ ކާރު ގޮއްވާލާފައިވަނީ އަސްކަރީ މަރުކަޒަށް ވަންނަން އޮންނަ ޗެކްޕޮއިންޓާ ހަމައިން ކަމަށްވާއިރު އެ ޗެކްޕޮއިންޓް ބަލަހައްޓަމުން ގެންދަނީ އަފްގާން ސިފައިންނެވެ. އަދި އެ ހަމަލާގައި މަރުވީވެސް އަފްގާނަށް ނިސްބަތްވާ މީހުންނެވެ.
އެ ހަމަލާގައި މަރުވެފައިވަނީ އެ ޗެކްޕޮއިންޓްގައި ތިބި އަފްގާން 17 ރައްޔިތެކެވެ. އޭގެ ތެރޭގައި ކުޑަކުދިންނާއި އަންހެނުންވެސް ތިއްބެވެ. އެމީހުން އެ ޗެކްޕޮއިންޓް ކައިރީގައި ތިބިކަމަށްވަނީ ޗެކް ޕޮއިންޓް ހުރަސްކުރުމަށް ފާސް ހޯދުމަށެވެ.
ހޮސްޕިޓަލުން ބުނެފައިވަނީ 17 މީހަކު މަރުވެފއިވާއިރު ދެމީހެއްގެ ހާލު ވަރަށް ސީރިއަސް ކަމަށެވެ.
މި ހަމަލާތަކުގެ ޒިންމާ އަދި އެއްވެސް ފަރާތަކުން އުފުލާފައެއް ނުވެ އެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް