ހޮސްޕިޓަލުން ދޫކޮށްލުމާއި އެކު ނަޝީދު ފުރަން އެއާޕޯޓަށް ވަޑައިގެންފި

އިތުރު ފަރުވާއަށް ރާއްޖެއިން ބޭރަށް ގެންދިއުމަށް އޭޑީކޭ ހޮސްޕިޓަލުން ރައްޔިތުންގެ މަޖިލީހުގެ ރައީސް މުހައްމަދު ނަޝީދު ދޫކޮށްލައިފި އެވެ.

ރައީސް ނަޝީދު އިތުރު ފަރުވާއަށް ވަޑައިގެންނެވުމަށް ހަމަޖެހިފައިވަނީ ޖަރުމަނުވިލާތަށެވެ. އެމަނިކުފާނު މިހާރު ވަނީ ފުރާވަޑައިގެންނެވުމަށް ވެލާނާ އިންޓަނޭޝަނަލް އެއާޕޯޓަށް ވަޑައިގެންފަ އެވެ.

ނަޝީދު އެއާޕޯޓަށް ވަޑައިގެންނެވީ ވަރަށް ހައި ސެކިއުރިޓީގައި އެވެ. އެމަނިކުފާނު ހޮސްޕިޓަލުން އެއާޕޯޓަށް ވަޑައިގެންނެވި އިރު ފުލުހުންނާއި ހަތިޔާރާއި އެކު ތިބި ސިފައިން ދިޔައީ މަގުތަކުގެ ސެކިއުރިޓީ ބަލަހައްޓަމުންނެވެ.

https://twitter.com/Lucasjalyl/status/1392713015019991041

https://twitter.com/ADKHospital/status/1392713441505280000