މާލެ އިމާރާތެއްގެ ސިޑި ގޮޅިން މީހަކު ވެއްޓިއްޖެ

ޗާންދަނީ މަގުގައި ހުރި އިމާރާތެއްގެ ސިޑި ގޮޅިން މީހަކު ވެއްޓިއްޖެއެވެ.

ފުލުހުން ބުނީ އެ ހާދިސާގެ މައުލޫމާތު ފުލުހުންނަށް ލިބިފައިވަނީ މިއަދު ހެނދުނު 10:30 ހާއިރު ކަމަށެވެ.

ފުލުހުން ބުނީ މިހާތަނަށް ބެލި ބެލުމުން އެނގިފައިވާ ގޮތުގައި އެމީހާ ވެއްޓިފައިވަނީ 9 ވަނަ ފަންގިފިލާގެ ސިޑި ގޮޅިން އެންމެ ތިރިއަށެވެ.

ފުލުހުން ބުނީ މި ހާދިސާގައި އަނިޔާވެފައިވަނީ 20 އަހަރުގެ އިންޑިއާ ފިރިހެނަކަށް ކަމަށާއި އޭނާގެ ހާލު ސީރިއަސް ކަމަށެވެ.

އަނިޔާ ލިބުނު މީހާއަށް އައިޖީއެމްއެޗުގައި މިހާރު އަންނަނީ ފަރުވާ ދެމުންނެވެ.