ހުޅުމާލެ ރޯ ހައުސްއެއްގައި ރޯވި އަލިފާން ނިއްވާލައިފި އެވެ.
އެމްއެންޑީއެފުން ބުނީ އަލިފާން ރޯވީ ހުޅުމާލޭ ރޯ ހައުސް 1501 ގެ 3 ވަނަ ފަންގިފިލާގައި ކަމަށެވެ. އަދި މި ހާދިސާ އެމްއެންޑީއެފަށް ރިޕޯޓު ކޮށްފައި ވަނީ މިއަދު ހަވީރު 4:02 ހާއިރު ކަމަށެވެ.
މި އަލިފާން ނިއްވާލާފައިވަނީ 25 މިނެޓު ފަހުން 4:27 ގައި ކަމަށާއި މި ހާދިސާގައި އެއްވެސް މީހަކަށް އަނިޔާއެއް ލިބިފައިނުވާ ކަމަށް ވެސް އެމްއެންޑީއެފް އިން ބުންޏެވެ.
މައުލޫމާތު ލިބިފައިވާ ގޮތުން އަލިފާނުގެ ހާދިސާ ހިނގާފައިވަނީ ހުޅުމާލޭގެ ހިތިގަސް މަގު ހައެއްގައި ހުންނަ ރޯ ހައުސްއެއްގައި 3 ވަނަ ފަންގިފިލާގަ އެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް